Pŕavtlopa

Kuľa

• 02.11.2026 Saranošso nevtiź erźań kelsë mjuziklańt «Lovńaśke Ožokovoń 22-ce dï 23-ce čitnestë Mordvań kirdij nacionalen dramań teatraso jutavtozel «Lovńaśke» («Sneguročka») mjuziklańt, Ostrovskij Aleksandrań pjesanzo koŕas, premjerazo. Vese nevtemańt pert gajgi erźań keleś, vanïćatnen turtov tejezel sinhronoń jutavtoma ruzoń kels.
• 01.11.2026 Ravošoń jonksso «Vodokanalońt» dolkonzo pandsïź velen hoźajstvań ministerstvań bjudžetstë Mastortarkań velen hoźajstvań ministerstvańt ikelev putoź 215 million celkovojtnen kučsïź dolkońt pandovksoks «Vodokanaloń» važodićatnenen važpandomas.
• 28.10.2026 Bjudžetën jutavkstnën kirťamga Ravošoń jonksso lotkavtït ošmalava uskimtnen Bjudžetsë jarmakoń a satomadońt Ravošoń jonksso kirtit ošmalava čugunkaso pačťamońt. Ožokovoń 5-ce čistënt sajeź lotkavtoź sisem uskimť, a sunderkovoń 2-ce čistënt sajeź, Ravošoń dï Inzań jutkova lotkit jakamodo tago kavto uskimť. Jonksoń kirdivijtne kortnit uskimtnen tarkas bustnën noldamodo, anśak čugunkava pačťamońt velmevtemas, jarmakt źars araśt.
• 24.10.2026 Saranošoś vasence tarkaso važpandomatnen kasomast koŕas. Anśak ramamo vijest koŕas kadovś mejelceks Ravčirevańt. Rossijań važpandomań kasoma rejtingent liderëzë – Saranoš. Ve ijen pert Mordvań mastoroń pŕavt ošsońt kunškajutkoń važpandomaś kasś 30,9 procents — 67,9 ťoža celkovojen vids, kajavkstnën pandomado mejle. Nejavoľ: te — ekonomikańt menksënzë kemevtića tešks. Anśak, źardo a ulevel lija: ramamo vijenzë koŕas ošoś ašti 77-ce tarkasońt śado oštnën jutkso, dï mejelce tarkaso Ravčiren, iskuvamos sajeź, oštnën jutkso.
• 24.10.2026 Ravošoń jonksso ťožado lamo erźań ejkakšt tonavtnit raśkent kuľturanten, a kelenten tonavtnems maksoź anśak 50 ejkakšnën Ravošoń jonksoś jala kadovi erźatnen turtov eŕamopingen čačimastoroń pelksëks. Anśak od sïment turtov aťat-sërďatnen kelest marto śulmavksoś ijestë ijes sede sejetstë tejevi pongavtoneks avoľ panžado vesen turtov raśken tonavtoma sistemadońt, son vanstavi entuziastnën dï kudoraśken iniciativatnesë. Meks modasońt, koso erźań keleś gajgś pingetnen pert, školaso tonavtnemazo tejevś čuro teveks, avoľ raśkent eŕamonzo ervačin pelksëks, koda eŕavoľ?
• 22.10.2026 Kuloś Mulkahainen Anton, «Oľačiv Ingrija» ajgemań pelkskirdića Ožokovoń 19-ce čistë kuloś Mulkahainen Anton — «Oľačiv Ingrija» ajgemańt vajgeltnede vejkeś. Sonenzë ulneś 60 ijet.
• 20.10.2026 Mordvań mastoroń bjudžetëś kemekstazel proficit marto. Ožokovonten sonzë asatïksëzë — 1,6 milliard celkovojt Ožokovoń 14-ce čistë Kirdijpromksoń deputatnë 2026 ijen bjudžetënt savkstnën kepediź 2,5 milliard celkovoj langs, jutavkstnën — 2,6 milliardoń langs. Nej bjudžetsë asatïksëś — 1,6 milliard celkovojt. Acamkovsto son kemekstazel proficit marto: savkstnëde ulneś jutavkstnëde sede lamo.
• 19.10.2026 Jaak Prozes: suomi-ugrań raśketnen kedkirdemaś — identičnostenek kevkstema 25 milliont keltneva inesketnenen eŕavi kedkirdema. Suomi-ugrań raśketnen kedkirdemaś — minek raśken kameľavtomańt dï identičnosten kevkstema, — śormadï Jaak Prozes selmekelkssë, kona vasencede noldazel Sirp noldavkssońt.
• 17.10.2026 Aťań Ezem: źardo sročniktne a ťurit tortingesë, kadïk uredit kudosost Aťań Ezemeś ožokovoń 17-ce čistë karmavtś: srokoń uredemaś ulevel anśak eś regionso. Ezemeś pškadś erźań, mokšoń, tataroń dï ruzoń ušmovijs sajeztnen teťat-avatnenen: a kučomga sïn ćorast srokoń uredemas dï putomga tevs zakonoń luvtnën — škasoeškema, alternativen uredema, medicinań iskuvamo, juridikań lezdamo.
• 16.10.2026 Ušmovijs sajemaś moli ijen pert. Śoksńa Mordovijasto dï Penzań jonksto ušmovijs kučit malav vejke ťoža kotośadot lomańt 2026 ijestë sajeź Rossijaso ušmovijs sajemaś a lotksi kovskak. Te śoksestënt Mordovijasto dï Penzań jonksto, konat vejkev sovit Erźań Mastors, kučit uredeme malav vejke ťoža kotośadot od lomańt. Źaro jutksost erźat dï mokšot — kijak a sodï: isťamo statistikańt a nevtit publikacijatnesë.
• 14.10.2026 2027 ijestë važodemapandomań minimumoś — VPM karmi kasomo sede aštinestë Rossijań pŕavtvetikuroś puterdi, 2027 ijen jakšamkovoń 1 čistënt sajeź, kepedems važodemapandomań (nuŕkinestë — važpandomań) minimumońt 6,8 procents — 28 935 celkovojen vids. Mejelce kolmo ijetnen pert son erva ije kasś 17–21 procents. Mordovijań važodićatnen lija minimumost araś, koda uli sonzë šabratnen, respublikaś eś VPM-ent ezize aravto.
• 13.10.2026 Mordovijaso lija mastortnëstë sïća važodićatnen langs kvotaś ve ijen pert kasś alamodo a nilenkirda 2025 ijestë Mordovijań predprijatijatnenen maksozel sivedems 147 lija mastortnëstë sïća važodićat, 2026 ijestë — 854. Ožokovsto koto važodemań maksïćat jovtïź melest 276 tarkań a sajemado.
• 05.10.2026 Estën mastoroń Ušomastoroń tevtnen ministerstvań dokladsońt «Erźań Mastor» kuľalopań nelgemaś lovoź Larina Tatjanań paro teveks Fenno-Ugria panžize dokladońt anglań versijanzo, kona Rossijaso erića suomi-ugratnede. Assimiľacijaś, śormadït avtortnë, karmaś moleme kavto dï pel kirda sede eŕazasto. A minek kuľalopańt lisemań lotkavtomaś dokladsońt ašti paro tevtnen jutkso, konatnen kis maksoź Rossijań prezidentën šnamo końov.
• 02.10.2026 Suomi-ugrań literaturatnen lezëpargoś purnï javoľavkstnën ožokovoń 15-ce čis Stipendijat škinemań važodemań kis suomi-ugrań raśketnen śormadejtnenen. Erźań śormadejtnenengak maštovi kučoms eńaldoma.
• 01.10.2026 Ordańbujen školaś kirti kavto važodema tarkat Vete ijede ikele Ordańbujesë važodśt kavto školat. 2021 ijen davolkovsto vejkent pekstïź. Nej kirdivijtne kirtit važodićatnen zńarokstent Ordańbujen vejkine školasońt.
• 28.09.2026 Ruzoń kelsë versijasońt panžovś «Anśak erźaks» rubrikaś Ruzoń kelsë versijań lovnïćaś nei pŕalement dï javoľavksońt, a valkocteś panžovi anśak erźaks. Ne materialtnën ruzoks jutavtomast a uli.
• 22.09.2026 Tartu ošso, Ineskeraśken čitnestë, scena langs lisi Vastoma — erźań-mokšoń morokuro 2022 ijestë sajeź oficiaľnoj inžetnen terdit pokščis anśak demokratijań mastortnëstë, dï erźatnen-mokšotnen pelde scena langs lisi Estën mastorsto morokuro. Pokščint pŕavt čizë — ožokovoń 17-ce či.
• 21.09.2026 «Jandeksëś» sovavtïze karelën dï altajen keltnen. Erźań kortamoś sonzë servistnësë kadovi keltemeks Vajgelsë sovavtomaś dï kortamoń gajgemaś važodit Rossijaso erića raśketnen koto kelsë. Erźań valkoctońt jutavtït 2025 ijen medkovsto sajeź, anśak sovavtoms sonzë vajgelsë eli kunsoloms a lisi.
• 15.09.2026 Kavkso jonks dï mokšoń respublika: ińazoroś jovtïze sïćačin kirdij mastorońt luvonzo Śïreś Ińazoroś jovtïze kirdij mastorońt luvonzo, konań erźań raśken Promksoś javoľavtïze ajgemańt ťokšmeleks: venupalsë arsimkuro 91 deputatstë, kavkso jonks dï eś konstitucijanzo marto mokšoń respublika.
• 14.09.2026 Kojtne kirdatne erit Vir Tavlaś tago tejevś raśken kulturań večkićatnen vastovoma tarkaks. V. I. Romaškinën lemsë „Etno-kudo“ muzejent vaksso kemencede jutaś „Toramaś terdi“ — erźań kezëren moroń Raśkejutkoń festivaľ. Tedide son altazel Vladimir Romaškinën, sodaviks foľkloristënt dï muzïkantońt čačoma čizënzë, konadońt jutaś 75 ijet.
• 12.09.2026 Kolmo ťožent lomańt važodit kirťaź važodema či. Važodemavtomaś Mordvań mastorso — 0,3 procenta Mordovijań „Минсоцтрудзанятости“ (ezinek karma jutavtomonzo erźaks lement), erva targo purnï tablicat važodemań asatïkstënt Saran ošoń zavodtnësë. Redakcijazonok pongś informacija, konadońt kosojak a jovtnit. Erźa Mastor kuľalopamok teize net końovtnën analizënt. Nejeześ — tajmaskavtïmiź! Sede lamo Arzamasoń Bajušen avtoroń materialtnësë.
• 09.09.2026 Razin Aľbertën kulomadonzo sisemce ijen čistënt, Aťań Ezemeś pškadś erźatnenen Pškademańt kedčelkstïze Sïreś Ińazoroś. Erźań valkoctoś putoź Ińazoroń sajtonten, ruzoń valkoctoś – teske sede alo.
• 04.09.2026 Erźań sodïdejtne, 2022 ijestënt sajeź, eźt kučno eś eńaldoma-pškadematnen, estën sodïjčin premijań konkursonten Isťa merś Ineskeraśken programmańt koordinatorozo Marika Alver. 2026 ijestë sajeź, kučomośkak Rossijasto kardaź: konkursoś pažado anśak kordon tombale iskuvićatnen turtov.
• 21.07.2026 Mordovijań šnamo moronť sërmadsïź od luvso Mokšoń, erźań dï ruzoń moropelkstnen mejle morojutkonť nej karmit moramo seke žo kelsënť. Ikele, Kamernoj moramo kuronť veťićatnen valost koräs, veśe kolmo moropelkstnen mejle gajgś mokšoń morojutkoś.