Erźań Mastor vešni žurnalist
Erźań Mastor — erźa raśken apongavtoń elektronoń noldavks. Min śormadtano socialen problematnede dï ekonomikado, tonavtomado dï kelde, politikado dï erźań raśkekurotnen eŕamodost — koda kudoso, isťa diasporasojak.
Minenek eŕavi žurnalist, kona maštï mujeme eś kojsë aštića temat, važodeme dokumentnën marto dï kortams lomantnen marto. Avoľ ombocede śormaleme kirdivijen kuľatnen, — iskuvamo: meze liś, kije saś mels dï meze son polavtï erźatnen dï Erźań Mastoronten turtov.
Važodemasońt ulit:
- Erźań Mastorso eŕamoś: bjudžett, školat, velet, infrastruktura, demografija, kirdivijtnen melssamot
- kuľat dï reportažt erźań kelde, tonavtomado, kuľturado dï lomanjutkoń eŕamodo
- intervjut dï iskuvamot
- valkoctt diasporado, raśkeajgemado dï suomi-ugrań mastorlangodo
Min učtano:
- ruzoń kelent vadŕasto sodamo dï žurnalistën jorokči
- čislań, cifrań, dokumentën dï basićatnen valost vanomań maštoma
- anokči vasenliśmapŕatnen marto važodeme dï apongavtoń kemekstamoń vešneme
- Rossijaso basićatnen kameľavtomast vanstoma
Erźań kelen sodamoś uli lezëks, anśak te avoľ eŕaviks usloj. Erźań valkoctnë putovit noldavksos kelen kandïćaso vanomado mejle.
Čaťmonemań koŕas, valkoctnën noldatano lija lem alo. Minenek a eŕavit dokumentënk, alkuksoń lemenk, važodema tarkank dï biografija marto reźume — satïška kavto-kolmo valkoct eli langozost nevtevkst. Min a makstano karmavtomat, topavtomga konatnen savoľ takov ardoms dï eś pŕańt pelemačis sovavtoms.
Kučodo te adresënten: kulalopa@mastor.erzja.info eś pŕadonk nuŕkine śorma, nevtevkst kavto-kolmo noldavksonk langs dï źarïja val temadońt, konadońt tïnk uli melenk śormadoms Erźań Mastoronten turtov.
Źardo śormadtado Rossijasto, tejede ten turtov inealtïmasońt od pargoń adres, kona apak śulma lemenk dï kortnimenk nomerënzë marto.