Erźań škamok 2026 ijen taštamkovoń 28 čistë
Ruzoń kelsë versijasońt panžovś «Anśak erźaks» rubrikaś
Ruzoń kelsë versijań lovnïćaś nei pŕalement dï javoľavksońt, a valkocteś panžovi anśak erźaks. Ne materialtnën ruzoks jutavtomast a uli.
Erźań Mastoroń ruzoń kelsë versijasońt liś od rubrika — «Anśak erźaks». Tozon molit materialt, konatnen ruzoń kelsë versijast araś dï a ulijak: lovnïćaś nei javoľavksońt ruzoks, pŕalement — erźaks, a sonś valkocteś panžovi anśak erźań kelsë.
Rubrikasońt karmit liseme erva kodamo žanron materialt: kuľat, śormadovkst, intervjut dï avtoroń kolonkat — vese se, meze lisni lija tarkava noldavkssońt, anśak vejke kelsë.
Rubrikańt teiź lovnïćatnen erźań kelenten terdemga. Setnenen, kit kelent a sodasïź, savi eli jutams ne materialtnën vakska, eli lovnoms sïnst valks marto. Valksoś pandomavtomo: noldavksońt erźań valkoctnë śormadoź Nazarenkoń latinicasońt, dï seke śormadoma luvsońt važodi Valks. Tede baška, Valks maksï pandomavtomo interaktivnoj eś kisë tonavtnema luvks. Anśak erźaks lisnića materialtnën pelksëst karmi kasomo.
