Pŕavtlopa · Erźań Mastor dï regionoś
Erźań Mastor dï regionoś 2026 ijen medkovoń 21 čistë
Mordovijań šnamo moronť sërmadsïź od luvso
Mokšoń, erźań dï ruzoń moropelkstnen mejle morojutkonť nej karmit moramo seke žo kelsënť. Ikele, Kamernoj moramo kuronť veťićatnen valost koräs, veśe kolmo moropelkstnen mejle gajgś mokšoń morojutkoś.
Vasenćede od luvso moramoś uli umaŕkovoń 5-će čistë — avoľ erźań eli mokšoń kelen pokščistë, 25 ijet Födor Ušakov admiralonť inevańksëks javoľavtomado teškstamsto. Kirdivijtne nej uš maštït jovtamo «kolmokelčiďe».
Anśak nej kortamoś moli šnamo moronť od luvso moramodo. Ezť jovta mastorkojen polavtomado, uli-a uli te valkoctoś (tekst) ofićiaľnojks, ulit-a ulit erźań kelen tevsputomań kelejgavtomatne školatnesë, KSP (Kuľań sravtnema peltnesë), kirdij vetikurotnesë. Erźań morojutkoś gajkstï scenasto. Karmi-a karmi kirdivijeś maŕamo erźań kortamonť scenadonť tombale — kevkstemaś sede pek eŕaviks.
