Kojtne kirdatne erit

Vir Tavlaś tago tejevś raśken kulturań večkićatnen vastovoma tarkaks. V. I. Romaškinën lemsë „Etno-kudo“ muzejent vaksso kemencede jutaś „Toramaś terdi“ — erźań kezëren moroń Raśkejutkoń festivaľ. Tedide son altazel Vladimir Romaškinën, sodaviks foľkloristënt dï muzïkantońt čačoma čizënzë, konadońt jutaś 75 ijet.

Festivalen čiś lisś śupavoks. Scena langsto gajgśt raśken kezëren morot dï instrumentalnoj muzïka, moraśt lamo morokurot, pokš dï od morïćat. Lamo pelkstïćatne lezdaśt inžetnenen tejevems sodaviksëks raśken škinemań erva kodamo jonkstnën marto.

Teke škane muzejent vaksso jutaś „Vejsën undokst“ — suomi-ugrań čuvtosto kersićatnen Raśkejutkoń festivalest. Kedsurovtnë nevtiź čuvtosto keŕaź od tejevksëst.

Tantejgavtïź programmańt raśken kavańamopeltne. Inžetne keńardoź varčneśt kudoń panevkstnën.