Pŕavtlopa · Suomi-ugrań pertpelks
Suomi-ugrań pertpelks kuľa 2026 ijen ožokovoń 22 čistë · 1 menjutkoń lovnoma
Kuloś Mulkahainen Anton, «Oľačiv Ingrija» ajgemań pelkskirdića
Ožokovoń 19-ce čistë kuloś Mulkahainen Anton — «Oľačiv Ingrija» ajgemańt vajgeltnede vejkeś. Sonenzë ulneś 60 ijet.
Tede jovtaś Oľačiv Raśken Ligaś.
Mulkahainen Anton čačś 1966 ijen medkovoń 7-ce čistë Habarovsk ošso, ingermanlandoń suomitnen kudoraśkesë. Ejkakšpingenzë sehte pokš pelksëzë jutaś Ukrainaso: školav son tuś Doneckoń jonksso, a pŕadïze sonzë Kijeven vaksso, Brovarï oškesënt. 2000-ce ijetnen ušodomsto son karmaś eŕamo Kijevsë. Anton sťaś Ukrainań vanstïćatnen jutks dï, ledemapel marto kedsënzë, vanstaś sonzë apongavtoń ulemanzo dï oľačinzë.
Baška tarka eŕamosonzo sajezel Ingrijań oľačide idejasońt. Son ašteś suomi-ugrań raśketnen vejsënďamońt kisë. 2024 ijen čadïkovstońt estën, Oťapä ošso, Oľačiv Raśken Ligań jurovtoma kongressënt, Anton ulneś ingermanlandoń ajgemańt pelde ikeleaštićaks. 2025 ijestë son kirdś pelks «Oľačiv Ingrija» ajgemańt akcijatnesë, PostRossijań Forumońt sessijatnesë dï Narva ošso Ingrijań kudońt važodemasonzo. Son arseś śormadoms eś ledstnematnen, anśak eź kenere.
Mejelce targotnen pert ingermanlandoń ajgemaś jomavtś tago kolmo lomańt: Kirjanen Aleksandrań, kona 1989 ijestë Leningradso vasenceks lisś Ingrijań koct marto, Jakuškin Eduard artïdejent dï Šipicin Vlad aktivistënt.
Valdo ledstnema.
