Ordańbujen školaś kirti kavto važodema tarkat

Minek liśmapŕatne Mordovijań pŕavtvetikurosto pačtit: respublikaso anokstït massań kirťamot — kšnin kilangosto («РЖД») sajeź, školatnen dï ormamenksťamo kudotnen vids. Moskovońt pek a satït jarmakt politikań upovodkstnën topavtomga, seks regiontnënen karmavtït vanstomo jarmakt. Kirťamoń riśmesënt — Ordańbujen kunška školaś Polevoj pesënt. Ožokovoń 13-ce čistënt važodemasto pańsïź kavto važodićatnen. Źars školaś važodi.

Malaviks škasto panematne tokasïź respublikań 18 organizacijat-učreždenijatnen. Važodemast lotkavtsïź kolmo eś teven vetićat. Tečis paneź važodemasto śado lomańt, 227 lomańt jomavtsïź važodemast. Ordańbujen školaś avoľ vejkine, koso karmit kirťamo personalońt. Šabrań bujen Tumobujen kunška školaś pani važodemasto vejke važodića.

Ordańbuje bujeś (ruzoks «Ардатовский район») — erićatnen koŕas — erźań buj: 2020 ijen lomańlovomań koŕas, vese erićatnen peldest sede lamo — erźat. Bujsońt — Bajeva veleś, Erźań (Stepan Nefedovoń) skuľptorońt jožoelezë dï Turgenevo poselkaś, Jovlań Oloń (Vladimir Romaškinën «Torama» ansambľań jurovtïćańt) čačoma tarkazo. 2025 ijen umaŕkovsto Ordańbuje ulneś vejkeks, nile tarkatnede (Ruzoń muzejent, Oťažvelen dï Saranošoń marto), Erźań lemsë muzejent «Эрьзя: Новое измерение» projektënt.

1970 ijestë sajeź bujen erićatnen zńaroksteś alamolgadś 48 300-sto 23 301 lomańs. Kolońgemen municipalitetnëstë kadovśt kemgotovo. Kemnileje velen poselenijat maštozelt 2009 dï 2020 ijetnen jutkso.