Zdunov vasence «Caŕgradoń» rejtingsë

Mordvań mastoroń pŕavtoś Zdunov Arťom sajś vasence tarka gubernatortnën rejtingsë. Te — ožokovoń rejting raśkejutkoń politikań koŕas. Rejtingent teize «Caŕgrad» institutoś. Institutoś važodi biznesmen Malofejev Konstantinën mediaholdingsë.

«Caŕgradoń» uli omboce rejtingezë. Toso onkstït raśken respublikatnen. Sehte pokšoś — «kirdijurovtïća ruzoń raśkent» kedkirdema. Te rejtingsëntkak Zdunov vasence tarkaso.

«Caŕgradoś» šnï Mordvań mastorońt Ušakov admiraloń ledstnemańt kisë. Respublikaso jutavtovi pravoslavijań odlomantnen forum. Ušakovdo tejezel erivanmo. Saranošso važodi pravoslavijań gimnazija sonzë lemsë. Vete ijen pert respublikaso sťavtśt 20 cerkuvado sede lamo.

Viden Kažaj — kolonkańt avtorozo. Son śormadï: te riśmesënt erźansedent mezejak araś. Erźań kelenten tonavtnit avoľ vese školatnesë. Erva škola kočki sonś.

Kažajen kojsë: Zdunovoń šnït avoľ erźatnen dï mokšotnen kedkirdemań kisë. Zdunovoń šnït ruztnën jutkso sïnst čovoŕavtovomań kisë.