Važpandomań minimumoś karmi kasomo sede aštinestë

Rossijań pŕavtvetikuroś arsi kepedems važpandomań minimumońt 2027 ijen jakšamkovoń 1 čistënt sajeź. Son karmi uleme 28 935 celkovojt.

Te alamodo a sisem procents sede lamo. Mejelce kolmo ijen pert son kasś pek sede kuroksto.

Nej zakonso uli isťamo luv: a ulevel važpandomań minimumoś mastorso ervačin važpandomańt malav peledenzë sede alamo. Pŕavtvetikuroś arsi lotkavtoms te luvońt 2027–2029 ijetnestë. Ožokovoń ušodomsto pŕavtvetikuroś kandïze isťamo zakonońt Kirdijarsikuros.

Mordovijaso važpandomań minimumoś seke, kodamo vese Rossijavańt. Regiononten son kepedevi.

Ten turtov kirdivijtne, profsojuztnë dï važodemań maksïćatne kemekstït vejsënluvks. Mordovijaso isťamo vejsënluvks araś.

Isťamo vejsënluvks uli Mordovijań šabratnen. Te Tatarstan dï Saratovoń, Kirovoń, Ravošoń bujtne. Toso važpandomań minimumoś alamodo sede pokš.

Taštamkovoń 28-ce čistë Mordovijań kirdivijtne, profsojuztnë dï važodemań maksïćatne poladïź eś vejsënluvksost. Sovavtïź tov jarmakoń od maksomańt.

Jarmakt maksït važodićanten, kona kedčelkstï kontrakt Mastoroń vanstomań ministerstvańt marto. Važpandomań minimumdo vejsënluvksost sïnst araś.