Ušmovijs sajemaś moli ijen pert

2026 ijestë sajeź Rossijaso ušmovijs sait ijen pert. Isťamo luvońt sovavtïze zakonoś, konań kedčelkstïź 2025 ijen sunderkovsto.

Ušmovijs kučit kavkśt ijestënt. Śoksńa kučit ožokovoń 1 čistënt sajeź acamkovońt 31 činzë vids.

Viďajkin Nikolaj — Mordovijań ušmovijen komissaroś kortï: te śoksestënt Mordovijasto kučit malav 500 lomań. Penzań jonksto kučit 1 100 lomande sede lamo.

Źaro sïnst jutkso erźat dï mokšot — kijak a sodï. Isťamo informacija a noldït.

Viďajkin altï: ušmovijs sajeztnen a kučsïź Doneckoń, Luganskoń, Hersonoń dï Zaporožjen jonkstnës.

Klïga Arťom — «Ulemav araśken ajgemańt» juristëzë. Klïga lovi: srokoń uredema jutïćatnede avoľ pelde sede alamo marit lepšťamo.

Sïnst lepštit kedčelkstams kontrakt dï tujems tortingev. Te pitneonks lomantnen pškadematnen koŕas.

Mordovijaś pandï kontraktoń kisë. Umaŕkovsto Mordovijaś kepedize jarmak maksomańt 3 million celkovojen vids. Taštamkovsto jarmak maksomańt alkalgavtïź 800 ťožat celkovojen vids.

Ušmovijen komissarońt altamozo moli anśak ušmovijs sajeztnede. Kontraktoń koŕas uredema jutïćatnede son a moli.