Lija mastortnëstë sïća važodićatnen langs kvotaś kasś

Mordovijaso uli kvota lija mastortnëstë sïća važodićatnen langs. Kvotaś nevti, źaro tarkat ulit sïća važodićatnen turtov. 2025 ijestë kvotasońt ulneśt 147 tarkat.

2026 ijen pert kvotańt kepediź. Ožokovsto koto važodemań maksïćat jovtïź melest 276 tarkań a sajemado.

Nej kvotasońt 578 tarkat. Te alamodo a nilenkirda sede lamo. Tarkatnen kolmo pelkstnëstë kavtotne maksoź Indijań oškajtnenen.

Mordovijań komissijaś maksś karmavtoma kavto ministerstvanen. Ministerstvatnenen eŕavi lovoms, zńaro važodićatnen jutkso ombo mastoroń lomantnede dï setnede, konat saśt tej eŕamo.

Aťań Ezemeś kemkstïze javoľavtomanzo. Ezemeś śulmi kvotań kasomańt erźań, mokšoń dï tataroń veletnesë školań dï orma mensťamo kudoń pekstamotnen marto. Aťań Ezemeś śormadï: «Problemańt undoksozo avoľ važodeme sïćatnesë — ekonomikasońt».

Kuroś karmavtï nejke lotkavtoms lija mastoroń lomantnenen važodema tarkań maksomatnen. Od merematnenen Ezemeś putś kolmo uslojt.

Eŕavi respublikasońt noldams školatnenen dï orma mensťamo kudotnenen važodemast. Tesken erićatnenen maksoms vadŕa važodema tarkat. Migracijań politikańt tevezë — vanstams važodemasonzo undoks raśketnen interesëst.

Tede baška, Aťań Ezemeś uči kirdivijtnen pelde doklad. Kirdivijtnenen eŕavi venksťams: kije eńaldaś kvotańt kepedemado? Kuroś karmavtï tejems regionoń vese školatnesë erźań dï mokšoń keltnen tevpeks tonavtomańt.