«Ocinnikeś» seansońt ikele

Panžink erva kodamo kinoteatrań seten važodema luvońt. «Хищник: Планета смерти предс. обсл. & Волшебник». Jutavtsa čaŕkodeviks kels. Gollivudoń studijatne 2022 ijestë sajeź a noldït eś filmast Rossijaso — zakonoń koŕas nevtems «Ocinnikent» kinoteatraś a maštï. Seks son mikšni bilet Rossijań nuŕka filmańt langs, dï sonzë mejle nevtsï gollivudoń filmańt isťamo sulťavksto, konań ušodksozo sede paro a kevkstnems. Końovtnen koŕas vese vańks.

Činovniktne nevtit ten pokš izńavksoks. Keľa, tesëjak teveś tejevś čivalgoma jonkstomo: «импортозамещение»-ś pačkodś ekrans. A bažatado vanomo «Ocinnikent», konań ušodksozo čopoda, — molede kadetën filmas. A bažatado kadettnëdejak — vannïnk odov «Любовь и голуби»-ńt. Rossijań kinoś net ijetnestë isťa andïze vanïćańt torpingen temado dï kirdij mastoroń ineksčide, što tašto sovetën rakavtomaś nejavi ojmsema škaks.

Anśak mon a žaľan «Ocinnikent». Mon arśan lijado: kinoń nupaleś — kelen sehte gajgića školaś, konań arsiź lomantne. Tonavtnema knigańt panžtnit seks, što eŕavi, kinov žo molit sïnś dï kavto časoń pert kunsolït kelent, konasońt gerojtne raksit, śovnït dï idit mastorlangońt. Ejkakšoś, kona vanïze muľtfilmańt eś kelsënzë, čaŕkodi sehte eŕaviksënt: te kelsënt maštovi kortams erva mezde, avoľ anśak sïrkajen ilatnede.

Raśketne eś kirdij mastortomo umok ten čaŕkodiź. Tweedie Waititi, Od Zelandijań proďuserëś, vanś, koda sonzë ejdinetne odov dï odov vanït «Moanańt», dï arseś: sïn karmit vanomo sonzë maorin kelsë. 2017 ijestë «Moana» maorin kelsë lisś mastorońt kinoteatratnesë. Mejle ulneśt «The Lion King» dï «Frozen», 2024 ijestë žo «Moana 2» maorin kelsë — vasencede Disney-ń eŕamopingestë — lisś ve čistë anglań versijańt marto. 2019 ijestë Finnkino, suomin kinoteatrań seteś, noldïze «Frozen 2»-ńt seske nile kelsë; vejkeś ejstëst ulneś pelevejonksoń saamoń.

Uli nevtevks sede malasojak. 2015 ijestë inženerëś Gaziz Fattahov karmaś noldamo muľtfilmat tataroń kelsë. Nej «Безнең тәҗрибә» projektsënt — «Ice Age», «Kung Fu Panda», «Up» dï «Berserk»-ent komśveteje serijanzo. Ministerstvavtomo, granttomo: «Berserk»-ent langs tuśt malav kolmośadt ťožat jarmakt, malav pelent maksïź śormadstïćatne.

Isťa meze žo minenek a satï? Jarmakt? Tataroń «Berserk»-ent pitnezë — sede alamo tašto mašinań pitnede. Tehnika? Erva studentënt uli mikrofonozo dï noutbukozo. Kirdij mastor? Sonzë langs kemems a meźt. Sonzë tevezë mekevlangt: pačtems erźań kelent muzejen nevtemavaľmas, koso keleś ašti sulika alo, koso sonzë maštovi nevtems inžetnenen pokščistë dï koso son kinengak a meši.

Minenek a satït vajgelt. Sehte vide smuśtsë: lomańt, konat stit mikrofonońt ikelev. Tataroń projektënt ušodïze ve inžener, maorin projektënt — ejdinen ve ava. Mejle vakssost purnavśt akťort, jutavtïćat, vajgelen aravtïćat, śormadstïćat donat marto. Isťa te teveś moli erva koso: vasńa źarïja aksunt, mejle — raśkeś.

Kadïk kinoteatratne sede tovgak nevtit «Ocinnikent» «предсеансовое обслуживание»-so. Minenek eŕavi eś seansonok: muľtfilma, konań erźań ejkakšoś vannosï kemenkśt pecek dï tonavtnesï. Erźań kortamoń škinemań studija źars araś. Pek sonzë učotano, dï vasence donatońt kajasïnek minś.