Mordvań mastoroń bjudžetsë nej asatïks

Ožokovoń 14-ce čistë Mordvań mastoroń Kirdijpromksoń deputatnë polavtïź 2026 ijen bjudžetënt. Nej jutavkstnëde 1,6 milliard celkovojs savkstnëde sede lamo.

Bjudžetënt kemekstïź acamkovsto. Sestë savkstnëde ulneś jutavkstnëde sede lamo. Finansoń ministraś Ťurkin Sergej altaś: isťa karmi uleme melcek kolmo ijet.

Od jarmaktnë tuit socialen lezdamos, ormamenkstnës, uroztnën eŕamo tarkas dï transportos. Jarmaktnën pelksëś pongi veletnenen dï oštnënen. Zńaro maksovi erva jutavksońt langs, a jovtnit.

Kirdijpromksoś pačti: dolks jarmakt sajems a purnït. Koda pešťasïź asatïksënt, apak jovta.

Mordvań mastorsto ijestë ijes sede lamo kajavkst tuit federaloń bjudžetës. Te ijen kavkso kovoń pert son sajś 29 celkovojt erva śadostońt. Ijede ikele son sail śadosto 22.