Redakcijasońt kočkaześ
Valkoctt, konatnen redakcijaś kundavtni lovnomost, lisema čist langs apak vano.
Problemań inesket: meze moli Budapeštën dï suomi-ugrań raśketnen jutkojožotnesë?
Ugrań mastoroś javšeś milliondo lamo pasportt undoksoń koŕas. Net kočkićatne maksït vajgel poštava dï kočkamotne jutït blokso: 2022 ijestë 93 procentte sede lamo poštań bjulletentnede, tuśt ve melkuronten. Mandatnëde sïn maksït vejke-kavto, jalateke kisëzëst ťuremaś moli erva kočkamsto. Rossijań suomi-ugrań raśketne a maksït a vajgelt, a mandatt, dï sïnest te sistemasońt tarka araś.
Suomi mastor dï suomi-ugrań raśket: programma uli, politika araś
Suomi mastorso śado ijen pert kavonzït: kareltnë, komitne, erźatne, mokšotne, marijtne dï udmurtnë — ineske raśket. Vese net raśketnen ulit kelest, konatnen panit tonavtomasto, ulit raśken organizacijast, konat kavto-pecek pongit lepšťamos - kardamos, dï araś eś kirdij mastorost, kona maštovoľ idemest. Umoń, 1990-ce ijetnen ušodovomsto, Rossijaso erića suomi-ugrań ajgematne nejśt Suomi, Estën dï Ugrań mastortnësë jalgań dï natoj, ineske kirdij mastort; intelligencijaś dï raśkeajgematne putïlt langozost pokš kemema.