Knigań Čačoma Či

Avtoroś Timofej Timin knigasonzo jovtni kolmo generaltnëde–Ivantnede, sïnst eŕamo kidest, armijaso tejeź tevdest. Jutksost vasenćeś — erźaś Kuťakov Ivan Semönovič. Son Vasilij Ivanovič Čapajeveń maštovomado mejle uľneś 25-će divizijanť pŕavtoks. Vojovaś lamoń tarkava. Uľneś kazeź źarïja ordensë. Kolońgemenće ijetnestë, koda lamoń, Ivan Semönovič Kuťakovoń «vojnanzo» pŕadovsť — ledezeľ koda raśkeń jat, antisovetčik. Činek-venek kemnileje kovoń perť kevkstnematnede mejle, 1938-će ijeń meďkovoń 28-će čistë saiź ojmenzë.

Omboće povesťsënť — «Gospodin feľdmaršal, vï plenenï» — jovtnevi Ivan Andrejevič Laskindë, Belebej ošsto (Baškortostan) erźadonť. Te generaloś Stalingrad ošonť kis ťuremado mejle uľneś polons saićaks nemećeń feľdmaršalonť Pauľusoń. Tede mejle I. V. Stalin karmavtïze vejsë Petrov generalonť marto, izńams «Goluboj linijanť», sajems Sevastopolenť dï panems nemectneń Kavkazsto.

Kolmoće povesteś «General svoboda» general-polkovniktenť Ivan Vasiľevič Boldindë. Son čačś ruzoń Vïsokoje velinesë, kona nej Mordovijań Kadoškinań bujesë, 1892-će ijeń umaŕkovoń 15-će čistë. Kalmaź Kijevsë. Uľneś Modamastoroń Vasenće, Graždanskoj, Modamastoroń Omboće vojnatnesë, lamo ťurematnesë.

Kniganť noldïze Moskovoń «Erźań vajgeľ» vejsënďavksoś, konań pŕavtozo Je. Je. Leďajkin. Redakćijań arsemkužoś: Je. Je. Leďajkin, G. I. Jermuškin, M. R. Biuškina, M. F. Jeroškin, R. Je. Stepanova, S. S. Živajev. Pečataź Saranoń «Krasnïj Okťabŕ» tipografijaso, tiražozo 300 ekzempľart.