Erźań Pokšt — Pokštineť

Ineškipaz! Vere Čipaz! Čangodť! Paz, čangodť! Erźań Pokšt — Pokštineť, Pokšťań-Pokšavineť! Sïrk mereze Pokštineť, Matraź-ojmaź kiśkinenk, Raužo čovaľa modïnenk. Vana terdťadïź Ozksov Kši-salonok varčamo, Pureń-Bragań koršt amo. Ašo keďsë paninek, Šožda meľsë pidinek. Sado vaksozonok, Čovoŕavodo jutkozonok Načtïnk kośke turvinenk, Peštink vačoń pekinenk, Tańškavtïnk sëpej kurginenk. Kiń lemezë kundavi, Kiń lemezë stuvtovi, Iľado kežijavto, Vesi tïń-sedejsënek, Vesi tïń-minek veŕsë. Miń tïnk ejsë lisinek. Miń tïnenk veľavtano. Sado, vese sado! Iľazt ule ve jendo vanïćat, Iľazt ule seľmeń śavadïćat.