Razdoľkin mirëń čempion

Razdoľkin mirëń čempion. (sport)

Vena ošso jutavtozeľ mastertnëń jutkso dźudoń koŕas mirëń čempionatoś. Medaľtneń kisë boroćasť mirëń 44 mastoroń tïščado lamo sportsment. Rossijanť dï minek respublikanť sportivnoj čestenzë ideś Mordovijań sodaviks sportsmenëś Viktor Razdoľkin. Son — samboń dï dźudoń koŕas meždunarodnoj klassoń sportoń master. Čačś-kasś Oťaželeń bujesë. Komste lamo ijeť služaś Vooružennoj Vijtnesë. Armijaso službazo kemestë śulmavozeľ sportonť marto. Viktor Razdoľkin Cska komandanť kisë peľstakšnoś Rossijań, Sovetskoj Sojuzoń dï Jevropań čempionatnesë. Sonzë lamo izńavksonzo — sïrneń, sijań, bronzań. Koda esenzë, isťa komandań peľkstamotnesë. 1979 ijestë Viktor Razdoľkin karmaś Jevropań čempionoks. 2003 ijestë son iznićaks uľneś Rossijań dï Jevropań čempionatso. Sijań medalenť saize mirëń čempionatsonť, kona jutavtozeľ Japonijaso. Tedide vana karmaś rossijań čempionoks dï topavtïze bažamonzo — Avstrijaso saize mirëń turnirëń «sïrnenť».

Eŕavi merems, te turnirsënť Viktor Razoľkin eś stalmosonť (malav 90 kilogrammat) uľneś vesemede vijev. Tesë peľkstasť 22 sportsment. Son kineńgak eź izńavo. Šoždasto jutaś finals dï karmaś iznićaks. Sïrnedenť baška te turnirsënť Viktor Razdoľkinnëń maksïź «Za vklad v razvitije boŕbï dźudo» medalenť. Viťkstamo, isťamo kaznenť kandniť mirëń anśak nile sportsment.