Kazneks — sïrneń surkst!

Raśkeń Ozksso uľnesť avoľ anśak oznomat, kortamot, morot, jutavtovsť sportoń koŕas peľkstamotkak. Vasenće turnirëś — uzereń jertnemań koŕas. Sonzë ejsë peľkstasť erźań ćorat. Odtnëstë kijak eź pongo čočkos. Finals lissť kolmo šumbra, vijev ćorat: Aleksandr Sidorov, Aleksej Andropov dï Aleksandr Maskin. Kuvať kijak eź lise ikelev. Śkamonzo Aleksandr Sidorov pongś čočkonteń kolmoksť. Son liśkak iznićaks. Omboće tarkanť saize Aleksej Andropov, kolmoćenť — Aleksandr Maskin.

Sehte talnovtïćaks uľneś naćionaľnoj boroćamoś. Vasńa kijak eź saje meľ lisems. Mujevsť kavkso ćorat. Źardo lisś Aleksandr Frolov, Andrevelestë, vanïćatne ušodsť ćapamo dï sejereme: «Frolov — čempion!» Vasenće tarkanť kis pokš boroćamo araseľ — izńaś Frolov. Kolmoće tarkaś satotś Aleksandr Surajevneń. Filologičeskoj fakuľtetëń tonavtnićaś peľkstaś pek vijev boroćića marto. Sïnenst eź savo pravtoms Surajeveń. Źardo boroćićatneń vaks saś Mordovijań Pŕavtoś N. I. Merkuškin, vese sportsmentnëneń kazś kazneť. Vasenće tarkań saićanteń, Frolovneń, Nikolaj Ivanovič maksś sïrneń surks dï merś uŕvakstoms sede kurok. Omboće tarkas lisićanteń, Miša Kočanovneń, maksozeľť sïrneń čast, Surajev Sašaneń — sijań čast.

Lamo lembe valt jovtasť sportsmentnë N. I. Merkuškinnëń dï Praviteľstvanteń se lezksënť kis, konanť sïń maksïź erźań pokščiń jutavtomanteń.