Jogań Mińkaneń

Śukpŕa, Mińka!

      *

Bajťak eŕaź ijetneń perť, kadïk avoľ kodat nej, — kudodo-mašinado meľťkak ezť sakšno — kaznekšnesť teń eŕva mezť. Savkšnoś marsems avoľ alamo lembesë leksića, jožoń vadŕalgavtïća valt. A vana isťat — inomarkatne vaksozostkak a putoviť — eziń marse, keďsëm eziń kirdtne, seľmsëń eziń nejne. Sïnst lemest «Rodnaja zemľa». Kazik sonzë ton, Mińka-Miša! Isťat valon avoľ śolmov, avoľ šnamo valt, avoľ kompliment malaviksëm, sedejak, avań turtov. Sïń sedejstë lisića, vańkstëjak vańks meľť. Omboćede teť meŕan: toń konďat teń eź savkšno marsems źardojak. Ďomin Vasilij professoroś avoľ alamo meľť jovtaś śormadovkstom, keľdem, škinemań tevdem. Sëvtneś ejsëst avoľ alamo. Anśak te vese a se, meze kecnevti, meze terdi menelev. Ton, Mińka, redik seń, meześ, avoľ pek kopačaźgak, lijatneneń eź nejavo, keď-komors eź sajeve. «Zemľanť» śormadomga eŕavś śupav, śupav valso, gajťsë dï čarťčisë ruzoń keľ. Son toń — ule. Maŕavi dï nejavi: lamo lovnïť. Dï lovnïť ruzoń keľsë. Večksak, te tevenť nejgak. Lovnomsto, keman, vajśat arvo jožos. Moneń prevs a sajevi, koda eŕavlija eŕamom knigavtomo. Apak večke sonzë a mezť sakšnoms, moń kojsë, eŕva mezde, avoľ anśak valdodo, peškse Modanť langs.

Maŕavi, avoľ alamo psilgaliť śormadomsto tekstënť langso. Videstë teiť. Taštams sodamočitneń, kirdems sïnst udemsënť — te vejke, noldams oľav, sravtnems, teke videme, konev langa — te lijata. Pek beŕań, isťa valtïź pitnenzë śormadomań tevenť. Beŕań — sede a kov. Prevs terdića, valdos vetića valonť kis tuń a pandïť. Tede mastoroś, ejsënzë erićatne paroc a pačkodiť.

Toń konďatne maksïť minenek vijť, kuš alamnede dï šoždalgavtïť eŕamonok. Teči, 2012.05.22-će čistë, sakšnoś tenek Čatkin Aleksandr Semönovič, son Dubińkań, sakšnoś mik …Kaliningradsto! Purnï, terdi, vešni erźatneń Rossijań keles. Tei tevenť sedejškava, a nalksi koda mundirëń kandtnićatne naćijatneń peľde. Pazoś vanozo,iľazo lise kodajak lijaks.

Śukońan meleń vanomat dï eŕva mejsë lezdamot kis.

Paroń arseź leľat Viďaz Saran oš, 2012.05.22