"Čilisema" dï "Jakstere ťaštene" žurnaltnëneń 87 ijeť

“Čilisema” dï “Jakstere ťaštene” žurnaltnëneń 87 ijeť

Panžikovoń 17-će čistë Saran ošso teškstavś 87 ijede ikele «Čilisema» dï» Jakstere ťaštene» žurnaltnëń čačoma čist. Paroń, šumbračiń arsićatnede tenst uľnesť koda meneľsë tešttne. Paro valt jovtaś mik «Jedinaja Rossijań» sïćaśkak. Kortasť seť, kiť a sodasïźgak koda jutavtovi «Čilisema» valoś ruzoń keľs. «Čiś» uľneś erźań — kortasť, malav vese erźatne,.. ruzoks. Teń lemezë — sede tov ardoms a kov.

Beŕań, ve valgak araseľ jovtaź raksemga-lajšemga viškine gonorartnede śormadïćatneneń «Čilisemas», «Śatkos» dï sede tov. Sovetëń škatneń koŕas nej avtortnëneń, lovt, mezejak a pandïť. Lomantneń isťa lepštiź, teiź isťamo savtïćaks, isťamo ureks, peliť jovtams val esest kiskak. Koda-a koda 80 ijeť — te pokšči, prazdnik, jubilej! Sekskak eŕavoľ kortams paro, eŕgela jožoso, kortams izńavkstnëde, paro kojtnede. Te vide. Anśak erźań kelenť tevenzë isťat beŕanť, a kortams sïndest — te sonzë mijems, te pokš pežeť pokšťanok ikajele. Jankśan, pek jankśan, meks eziń jovta kevkstematneń: źaro ijeť kadovś eŕams ejkakšoń dï od lomaneń žurnalonteń, meze tenek eŕavi tejems, koda idems. Moń kojsë, a kalavtovindeŕaj «Jedro»-ń sistemaś, «Čilisemanteń» kadovi eŕams nile-vete ijeť. Paŕak, sede tovgak karmi źars-buti pečatavomo, anśak son uš kineńgak eŕavomo a karmi, školatnes erźań keleś kadovi sedejak čuľť-čaľť. Ejdeń kužotnesë, merť uš, nejgak a veťavi.

    

Val Ińazoronteń:

Šumbratado večkeviks erźat, jalgat!

Mon meľavtan dï arśan, kadïk čiś sval lisnezë Erźań Mastorsto dï ulezë Erźań Mastoronť veľkssë, kecnevtezë manej, valdo, lembečisënzë. Kadïk sval čipajeś valgonezë jaksterestë. Sestë omboće čistë karmi lembe dï manej. A buti činť kopačasïź davol peľť, kadïk mujeviť prevej lomanť, kiť pansesïź neť davol peľtneń. Simsïnek čarkatneń neť lomantneń kis.