Moramo tonadïnek. Arseme?

Kizëś eskeli alovpandt. Jutavtovsť tesë-toso źarïja pokščiť, festivaľť, ozkst. Sïnst ejsë ulemstë sat meľs: kištťano-moratano, meŕat, śavordïnek pandoń stalmoso tev. Mašttano, mašttano! Erźań morotne, prok kelej śolmo narmunť, livtniť lamo-lamo tarkatneva. Te kecnevti. Anśak vana… Koda tejevems «Erźań Mastoroń» ojaks? Ezinek tonado lijaneń: arseme. Te riznëvti dï ripakavtni jožo. Koda te kažonť (bedanť) izńams? Koda tonavtoms lomantneń sovseme knigań, žurnaloń, gazetań jonkstnes? Umok jovtaź: apak lovno lomaneś lotki arsemado. Te sonzë veti nolaža-navola kilangs.