Ineškipaz, Vere Čipaz!

Tede mejle Ozksaťaś, Čingajev Leonid, vejsë sïćatneń marto pškadsť Ineškipazonteń

«Ineškipaz, Vere Čipaz! Ton, marićaś koda tikše kassï, Ton, neićaś, koda pešte panži, Neimiź, maŕamiź! Śukońatano piľgezëť, Verev kepeďsïnek kedenek, Masterov noldasïnek śukpŕanok. Oznotano erićanok kis, Oznotano raśkenek kis, Eńaldtano ejdenek kis, Kardazso rakšanok kis. Ineškipaz! Maket tenek Sëťme, lembe pizemeť, Valdo, Manej čiť, Čačost-kasost śuronok, Kasost-kepedevest ťakanok, Raštïćat ulest avanok. Makst Mastoronteń laďamo, Vejke-vejkeń večkema. Liśmaks parot lisezë, Lejeks eŕmeť čudeze, Kenkšpŕavajak sovazo, Kenkšalgajak sovazo, Kenkšalgajak jutazo. Miń Toneť — Šumbra kši! Ton minenek — šumbrači! Paz, čangodť! Paz, čangodt! Paz, čangodť!

Eńaldomań (molitvań) valtnë, kedeń kepcjeź Ozaťanť meľga, omboksť jovtïť vese sïćatne: iľazo joma raśkeś, vanstovoľ keleś, morotne, ilatne… Ine, lamo pingeń perť valakavtneź eńaldoma valtnë Ineškineń jovtavsť.