Kuloś Biuškina Marija Romanovna...

Biuškina M. R. čačś 1925-će ijeń acamkovoń 14-će čistë Mordovija Respublikań Dubińkań bujeń Morga velesë. Son — śormadej, keleń sodïj, filologijań kandidat (1978). Pŕadïze 1955 ijestë Mordovijań pedagogikań Poležajev lemsë institutonť. 1957-62 ijetnestë — tonavtïćań tonavtoma institutoń metodist. 1962-70 — Saranoń televidenijań, ejkakšoń nevtnemań kuroń redaktor. 1971-84 ijetnestë — Sterlitamakoń (Baškortostan) dï Slavänsk ošoń (Ukraina) pedinstitutoń tonavtnema peľksëń pŕavt.

Koda filologijań kandidat vešneś-mukšnoś vejkeť valt erźań dï ruzoń keľtnesë. Sermadś školaso tonavtnemań knigat, jovtnemat, stihť, pesat.

Marija Romanovna lamo paro tevť tejś erźań keleń idema meľavkstnesë. Lamo ijeť važodś Moskovoń «Erźań vajgeľ» vejsënďavkssonť, uľneś źarïja ijeť sonzë pŕavtoks. Lezdaś, vijť eź vansto, Erźań keleń idema Fondonteń, uľneś «nežeks» «Erźań Mastor» gazetanteń, sravtneś-sermadś Moskovoń erźatneń jutkova. Paro tevenzë-teškstazeľť A.P.Ŕabovoń lemsë Kaznesë (2005).

2011-će ijeń aštemkovoń 19-će čistë Moskovso Marija Romanovnań eŕamo kizë pŕadovś. Kalmiź Jakstere Luga velines — Mordovija, Dubińkań buje. Erźań keleń vanstomań tevtnesë te pokštojak pokš jomavks.

Jovtatano sedej rizks malaviksënzë turtov. Kadoviť Marija Romanovnań ine tevenzë ledstnemaks lamo ijeń perť.

Nujań Viďaz, Kšumanćań Pirguž, Šaronoń Sandra, Kalaganoń Keŕaz, Kuzovatoń Oľa, Drigań Tolaj, Anošoń Tumaj

Jutkstonok Marija Romanovnań tujemazo kepedś sedejsënek mejsëjak a onkstaviks riznëmań davol. Večkeviks jalganok erźań kelenť kis ojme vijenzë pes pškadema tevsënzë pingeń pes kadovi meľsënek dï sedejsënek. Vere pazoś maksozo tenzë čevte tarkat-todovt.

–––

Moskovoń erźań diasporań peľde Lidija Kruglova, Raida Stepanova, Maćkaz Ľofaj