Kuloś Arapov Aleksandr Vasiľevič...

Arapov A. V. čačś 1959–će ijeń sundeŕkovoń 1-će čistë Dubińkań bujeń Kende velesë. 1977-će ijestë pŕadïze sïrneń medaľ marto Kobaleń školanť. M.V.Lomonosov lemsë Mgu-ń žurnalistikań fakuľtetënť pŕadomado mejle (1983) malav kavto ijeť važodś «Mordovskij universitet» gazetań korrespondentëks. 1985-će ijestë terdiź važodeme «Śatko» žurnaloń redakćijav. Uľneś litsotrudnikeks (1985-1989), poëzijań dï publićistikań otdelëń redaktoroks (1989-2000). 2000-će ijestë sajeź — «Śatko» žurnaloń pŕavt redaktor.

Rossijań Sermadejeń Vejsënďavksoń člen (1994). Lissť poëzijań kniganzo: «Vajgeľ» (1990), «Vaľma» (1992), «Vzmah» (2001), «Mejle» (2006), «Žest» (2010). Stihenzë sovasť vejsëń sborniks, konat lissť Saransk, Čeľabinsk, Samara, S-Peterburg, Moskov, Heľsinki, Budapešt, Tallinn, Tartu oštnesë.

«Literaturnaja Rossija» gazetań laureat (2000). Mordovijań zaslužennïj poët (2003).

    

2011-će ijeń aštemkovoń 14-će čistë 14 časso lotkaś čavomo sedejezë Arapov Aleksandr Vasiľevič poëtënť, «Śatko» žurnaloń pŕavt redaktoronť. Pŕadovś eŕamo kizë vesemede kelej tarkasonzo. Pŕadovś sestë, źardo tejeveľ tenzë tejezdenť kavksť-kolmoksť, sede lamo. Stihť, balladat, poëmat… Terdsť sonzë śulmavoms martost. Araś eź pačkode ejzëst, eź savo komavtoms pŕanzo veľkssëzëst, sedejeś eź maŕa, siześ.

Miń, «Erźań Mastoroń» peŕka purnavoztne, Arapov Sašań sodïćanzo dï lovnïćanzo jovtanano malaviksënzë turtov sedej rizks dï meľ—kirdems, apak novole, neť čopoda čitneń.

Nujań Viďaz, Kšumanćań Pirguž, Maćkazoń Ľofaj, Eŕuš Vežaj, Kuzovatoń Oľa, Drigań Tolaj, Anošoń Tumaj, Žuravlev Čislav, Kozakoń Peťa, Gajnińkań Pičaj, Šaronoń Sandra, Kalaganoń Keŕaz