Anśak isťa, Saša!

Čadïkovoń 11-će čistë sajeź 15-će čis Moskovso Lomonosov M.V. lemsë universitetsë jutaś studentëń dï aspirantoń XVIII Meždunarodnoj konferenćijaś «Lomonosov-2011», kona purnaś 30000 lamo od lomanť Sng-stë dï Jevropasto. N. P. Ogaŕovoń lemsë universitetstë filologijań fakuľtetëń erźań otdelenijań 5-će kursoń studentëś Daniľčev Aleksandr tejś javoľavtoma: «A. P. Ŕabovoń «Erźań-ruzoń valkskezë» dï «Ruzoń-erźań valksozo»» «Filologija» sekćijasonť («Finnëń-ugrań jazïkoznanija» alće sekćijasonť). Daniľčev Aleksandr, Žatkina Marina (Mordovija) dï Bičagova Marina (Moskov) uľnesť teškstaź šnamoń końovso vesemede vadŕa jovtamost kisë. Te ijestënť «Filologija» sekćijas maksozeľť 785 važodemat. Filologijań fakuľtetëś pongś vasenće vete fakuľtetnëń jutks dï uš avoľ vasenće ije lovovi vesemede eŕaviks gumanitarnoj fakuľtetëks. Vesemezë nevteź 135 universitett dï naukań institutt. Uľnesť studentt dï tonavtïćat Ispanijasto, Velikobritanijasto, Latvijasto, Litvasto, Poľšasto, Germanijasto, Iransto, Slovenijasto

Čadïkovoń 20-će čistë Udmurtoń universitetsë jutaś studentëń XXXIX Meždunarodnoj konferenćija, koso vannozeľť keleń, literaturovedenijań, foľkloristikań, lija keľstë jutavtomań dï Vuz-so tonavtomań metodikań kevkstematne.

Konferenćijasonť važodsť sekćijatne:

1. Eŕva kodamo raśkeń literatura;

2. Foľklor, etnografija: kojtne-kirdatne dï nejeń škaś;

3. Lingvistikań jedinicatneń karado-karšoń analizëś dï jutavtomań stakačitne;

4. Nejeń škań tonavtomań tehnologijatne;

5. Lingvistikań nejeń škań stakačitne.

N. P. Ogaŕovoń lemsë universitetstë filologijań fakuľtetëń erźań otdelenijań 5-će kursoń studentëś Daniľčev Aleksandr jovtneś «Ivan Zaharovič Antonovoń viška žanrań prozaso hudožestvennoj baška jonkstnë» «Naćionaľnoj literatura» sekćijasonť. Sonenzë maksozeľ I stepeneń diplom.

Avoľ umok Aleksandr karmaś D. A. Medvedev — Rossijań pŕavtonť stipendiatoks.

Sval kirdť isťa, Saša!