Ińazoronť arsemanzo Od ijenť marto

Meľvanoviks dï večkeviks erźat!

Od ijeń valdo čistënť arśan tenk eŕams apak sërede. Ulezë šumbra rungosonk šumbra ojme. Vanstodo, kije koda maštï dï sval erźań kelenť, erźań kojtneń! Putodo meľ lovnoms erźaks, sodams minek istorijanť, kezëreń oznomań dï lija kojtneń, sodams erźań Ine lomantneń (naćionaľnoj gerojtneń) lemest, ućaskast, tevest. Ilink stuvto, erźat, jalgaksčink, lezdado vejkenk-vejkenk turtov, ilink jomavto Erźa raśkeń lemenk, iľado tejeve mordvaks. 2011 ijenť mon, Ińazoroś, javoľavtan Jovlań Oloń ijeks. Sonenzë topodeveľť 60 ijeť. Te ijestënť karmi jutavtovomo erźań kezëreń moroń 3-će festivaleś «Doramoś terdi». Jutavtovi Mordovijań Kočkuroń bujeń Viŕ Tavla velesë, etnokudoso.

Jutaź škanť apak soda a uli ikeleń škaś. Tede vese śormadï «Erźań Mastor» gazetaś. Teink sonzë paro jalgaks, preveń maksïćaks, ikelečinteń kiń nevtićaks.

Erźań Ińazoroś Kšumanćań Pirguž, Saran Oš, 2010 ijeń acamkovoń 24-će čiś