Nujań Viďaznëń — 75, «Gde cveťot čistoduš?» kniganstëń... 30 čiť — Kavto valso esedeń...

Nujań Viďaznëń — 75, «Gde cveťot čistoduš?» kniganstëń… 30 čiť Kavto valso esedeń…

Čačiń Dubińkań bujeń Ordańbuje velesë (Mordovija). Školam pŕadomado mejle pek moliksëliń teatrań instituts. Tevem eź lise. Malav ije važodiń sćenań važodićaks (Baku), mejle čačoma velesëń kluboń pŕavtoks. Pŕadïń veleń hoźajstvań institut. Koto ijeť važodiń agronomoks. Tonavtniń aspiranturaso. Kemekstïja-vanstïja dissertaćijam. Malav kolońgemeń ijeť važodiń doćentëks Saran ošoń universitetëń Veleń hoźajstvań fakuľtetsë. Veleń hoźajstvań naukań kandidat. Kodkemeń malava sermadovksom («trudom») jutkso kolmo avoľ «ečke» knigat dï lija avtor marto izobretenija.

Uľniń «Mastoravań» vejsënďavksoń ušodïćatneń dï teićatneń vasenćetneń jutkso. 1992 ijestë vejsënďavksonť kalavtïź. Seks panžija dï kemekstïja erźań keleń idema Fondonť. Ijeń jutaź kemekstazeľ «Erźań Mastor» gazetaś. Kolmoće nomerstë sajeź tečiń čis purnan-sërńan dï noldatano sonzë lijatne marto vejsë.

Son, te kuľalopaś, kengelićatneń langsto oršavksoń kajsića. Sekskak štapo kadovićatneń meľs te a tukšnï.

Jutko škasto sermadan prozaso jovtnemineť dï jovtnemat. Lissť Saran ošso sisem knigam erźań dï ruzoń keľsë.

Nujań Viďaz

    

Kiť lezdasť jutavtoms kojenť-ilanť, śukońan. Jovtasť dï kučsť šumbračiń arsemat Saransto, Tatarstansto, Krasnojarskij krajstë, Krasnodarsto, Penzasto, Samara jondo, Lukojanovasto, Murman dï Orenburg jondo, čačoma velestëń paťań-sazoroń peľde. Veseneń-veseneń śukpŕa.