Doronin Aleksandr Makarovičnëń 60

Jakšamkovoń 7-će čistë topodsť sodaviks poëtënteń dï prozaikenteń Doronin Aleksandr Makarovičneń 60 ijeť. Sï škań sermadejeś čačś Mordovija respublikań P. Ignatoń bujeń Petrovka velinesë. Pŕadïze Ićaloń pedučiliščanť dï A. M. Goŕkij lemsë Literaturań institutonť.

Važodś komsomoloń rajkomoń sekretareks, «Erźań pravda» gazetań korrespondentëks, «Śatko» žurnaloń pŕavt-redaktoroks. 2000 ijestë sajeź Mordovija respublikań sermadejeń Śulmavksoń pŕavt.

Doronin A.M. «Čačoma jonks», «Od porań valdo», «Velev kiś jutï sedejgan», «Rodoslovnoje derevo» stiheń pusmoń, «Kinť jutasï molićaś» dï «Jalgado val» očerkeń knigań, «Kočkodïkeś — pakśa narmuń», «Bajagań sulejť», «Kuźma Aleksejev» romanoń avtor.

Stihenzë dï očerkenzë pečatavsť «Naš sovremennik», «Molodaja gvardija», «Junosť», «Volga» žurnaltnesë, «Literaturnaja gazetaso», «Literaturnaja Rossija»ježenedeľniksënť. Jutavtoź mokšoń, komiń, udmurtoń, mariń, karelëń, vepsëń, čuvažoń, ruzoń, tataroń keľtnes.

Kompozitortnë Košeleva Nina, Vdovin Gavriil dï Maskajev Ivan «Lavseń moro», «Sëťmeči», «Vesna čeremuhovaja» stihenzo langs sermadsť morot.

Arseťano jubiľaronteń keme šumbrači, panžikovoń keńarkst dï škinemań izńavkst koda poëzijaso, isťa prozasojak.

“Em”-ń teićatne dï lovnïćatne