Tago kazneť!

Moskovso «Rossija» konćertnoj zalso senťabŕań 13-će čistë purnavkšnoś Rossijań sportivnoj elitaś. «Nefta Moskva» nefťanoj kompanijaś kazneś kaznesë Olimpijskoj komandań sportsmentnëń, kiť Afinaso nevtsť paro vïstuplenijat. Sïnst jutkso źarïja sportsment Mordovijastojak. Isťa, Olimpijskoj čempiononteń Aleksej Mišinnëń maksoź jarmakoń premija, konań pokšolmazo 100 tïščat amerikanskoj dollart. Denis Nižegorodovneń maksoź 20 tïščat dollart. Isťa žo maksoź gimnastonteń Aleksej Nemovneń. Ešte vejke minek zemľakonteń, Jurij Borzakovskijneń, maksoź 50 tïščat. Vesemez te čistënť Moskovso polučasť kazneť 45 sportsment. Sehte pokš kazneś maksozeľ ukšnïćatneneń Anastasija Davïdovaneń dï Anastasija Jermakovaneń. Sïnst kazneń pokšolmast 120 tïščat amerikań dollart.