Irina Stankinań izńavksozo

Sport Sport Sport

Grećijaso Olimpiadadonť mejle seske Moskovso jutasť Rossijań kubokonť kisë šožda atletikań pokš peľkstamot. Mordovijań sportsmentnë tago dobovasť medaľť. Irina Stankina 20 vajgeľbeń distanćijaso saś vasenćeks. Eŕavi merems, Mordovijań sportivnoj jakamoń školań sportsmentnë te čempionatsonť nevtsť pek paro rezuľtat dï tehnika. Isťa 10 vajgeľbeń distanćijaso juniortnëń jutkso 7 vasenće tarkatneń saiź Mordovijań jakićatne. Igoŕ Jerohin saize sïrneń medalenť. Sijanseś satotś Ruzajevkań jakićanteń Gennadij Kanajevneń. Dubenkań Ďusš-ń vospitannikeś Valerij Borčin saize bronzanť.

Tejtertneń jutksojak sehte vasenćeť uľnesť mineksetne. Vete vajgeľbeń distanćijaso vasenćeks saś Saranoń 1 № Ďusš-ń jakićaś Eľmira Alimbekova. Aťuŕevasto Jelena Šumkina saś kolmoćeks. 10 vajgeľbetneń pek parste jutïnze tejtertneń jutkso Irina Ježova. Son anśak alamodo kadovkšnoś Sankt-Peterburgsto Svetlana Vasiľevado. Koda iľazo ule, Irina saize sijanť. 1987-1988 ijetnestë čačozetneń jutkso Mordovijań sportsmentnëstë sehte paro rezuľtat nevtś Semen Kanajkin. Isťat tevtne kortïť anśak vejkede, Mordovijań sportivnoj jakamoń školaś purnï vijť dï minek sodaviks sportsmentnëneń kassï paro poladovks.