Vaj, veleś, veleś, Surveleś!

Vaj, veleś, veleś, mazïj Surveleś. Alo pesënzë piče viŕ gajgi, Činemeť-urot virenť rakšanzo. Vere pesënzë kilejbulozo, Mazïj narmuškat kilejtneń ťokšso. Vaj, udalonzo tumopulozo, Rivezť-numolot virenť rakšanzo, Kukot-suvozejť viŕnarmunenzë. Vaj, luganť langa čudi vedezë. Pokš bojar sakšnoś pakśanť neľgeme, Pokš bojar sakšnoś sonzë sajeme. Surveleń pokštne, veleń aťatne, Veleń prevpargot, veleń pokšťatne — Sïń ve tarkines aťat purnavkšnosť, Sïń ve prevnesë pokškeť arsekšnesť: Vaj, kiń kučtano bojar ikelev? Pokš bojar marto, aťat, kortamo? Vaj, bojar marto Murlaj eź kortavt, Jat kiskanť peľde val son eź maksovt, Kiska-bojarnëń pakśanť miize, Pine-azornëń pakśanť maksïze, Vaj, son Survelenť vačo kadïze.