"Mastorava" lavkaś uči tïnk, lovnïćat!

Ruzoń muzïkań kuľturasonť jovksoń konďamo teveks lovovi śormań kučnemaś Čajkovskij kompozitoronť dï Nadežda fon Mek śupav avanť jutkso. Vejkest-vejkest turtov kučozeľť ťožado lamo śormat. Malav isťamo śormalema, śormań sëdne, targavś Saranso erićanť Mariź Kemaľ poëtëssanť dï Kijevsë erića Orest Tkačenko, lamo keleń sodïćanť, jutkso. Ukrainań Akademijań člen-korrespondentëś, filologijań doktoroś, professoroś, erźań keleń sodïćaś Orest Tkačenko kučś Mariź Kemaľneń 27 śormat-arsemat. Źaroń turo tusť Kijevev. Ukrainań pŕavtošsto avtoroś karšo eź mole — pečatams sïnst baška knigaso. Čadïkovsto son lisś. Lemezë — «Piśma daľokogo druga» («Vasolalgań śormat»).

«Piśmatne» — meľavkst-arsemat «sëredića» keľtneń ikeleń čidest. Ejsëst jovtnevi kije, koda dï źardo pačtinze sïnst šumbrań araśčinteń. Vannoviť tuvtaltnë, maksoviť prevť, koda menstems ejstëst ormatneń dï lisems te kažosonť. Te eli tona kelenť ućaskazo nevtevi istorijań uličitneń (sobïtijatneń) marto śulmaź. Anokstïź śormatneń pečatams Mariź Kemaľ dï Nujań Viďaz.

Śormadoź knigaś eŕvaneń čaŕkodeviks, mazïj, meľs tuića ruzoń keľsë. Lovnovi interes marto. Noldïćazo «Krasnïj Okťabŕ» tipografijaś. Tiražozo 2000 ekzempľart.

Kniganť lisemadonzo ikele śormatneń lovnïź V. S. Brïžinskij professoroś dï A. M. Šaronov filologijań doktoroś. Sïnst rećenzijast maksoviť noldavkssonť mejeľće jonkstnësë.

«Piśma daľokogo druga knigaś mikšnevi «Mastorava» knigań lavkasonť (Saran Oš, Lenin lemsë prospektëś, 18 kudoś).

Nujań Viďaz