Javdano sedejrizks

2012-će ijeń ejźurkovoń 9-će čistë lotkaś čavomo sedejezë Kazakov Petr Jefimovičeń, 2010-će ijeń A.P.Ŕabov lemsë Kazneń Laureatonť, Mordovija Respublikań kuľturań kis važodićanť. Tuś Tonačiv erźa.

Kazakov P. Je. čačś 1923-će ijeń meďkovoń 14-će čistë Mordovija Respublikań Pokš-Bereznik bujeń Simkina velesë. 1941 ijestë uľneś Stalingradonť kis ťuremasonť, tede mejle — Karelëń frontso. Vojnado mejle važodś Mordovijań komsomoloń Obkomso, elektrolampań zavodoń partkomso. Kuvať tevť veťaś Mordovija Respublikań «Znanije» vejsënďavkssonť. Pŕadïze Mordovijań Ogarev lemsë universitetëń istorijań fakuľtetënť. Pensijas lisemado mejle 12 ijeť važodś naukań dï tehnikań informaćijań Ćentraso.

2010 ijestë Saranso Petr Jefimovičeń lisś knigazo — «Eŕamoń kiulot. Žiznennïje pereulki». Ejsënzë «Saranoń erźa» (ruzoks jutavtovś) dramaś. 2011-će ijestë lisś omboće knigazo — «Jutaź pingestë varštavks». Peťa leľanok-pokšťanok uľneś «Erźań Mastoroń» sejeďstëń inžeks. Sonzë tešksënzë, arsemanzo, ledstnemanzo avoľ čurosto lisnesť «Erźań Mastor» kuľalopasonť. Pačťano rizksval-meľavkst malaviksënzë turtov.

Demin Vasilij, Išutoń Mikoľ, Kalaganoń Keŕaz, Kšumanćań Pirguž, Nujań Viďaz, Tremasov N., Šaronoń Sandra, Judina V.