Od ije marto, ojat-jalgat! S Novïm godom !

Meľvanoviks dï večkeviks erźat!

Od ijeń valdo čistënť arśan tenk eŕams apak sërede. Ulezë šumbra rungosonk šumbra ojme. Vanstodo, kije koda maštï dï sval, erźań kelenť, erźań kojtneń! Putodo meľ lovnoms erźaks, sodams minek istorijanť, kezëreń oznomań dï lija kojtneń, sodams erźań Ine lomantneń (naćionaľnoj gerojtneń) lemest, ućaskast, tevest. Ilink stuvto, erźat, jalgaksčink, lezdado vejkenk-vejkenk turtov, ilink jomavto Erźa raśkeń lemenk, iľado tejeve mordvaks. 2012 ijenť mon, Ińazoroś, javoľavtïja «Erźań Mastor» gazetań ijeks. Son, anśak son, purnï, malavgavtï erźatneń.

Jutaź škanť apak soda a uli ikeleń škaś. Tede vese śormadï «Erźań Mastor» gazetaś. Teink sonzë paro jalgaks, preveń maksïćaks, ikelečinteń kiń nevtićaks.

Erźań Ińazoroś Kšumanćań Pirguž, Saran Oš, 2011 ijeń acamkovoń 23-će čiś

Paro valt, śukpŕa jovtatano te eŕgela, te valdo čistënť Maćkazoń Ľofajneń (Moskov oš) «Em»-s śormalemanzo kis. Malav eŕva nomersë sonzë avoľ kuvaka, seń kis sedejs pačkodića kuľanzo dï staťanzo. Šnatano pŕa, kaštangaleťano — uli minek śormadïćatneń jutkso isťa kolsto, isťa teveń sodaź, isťa prevejstë śormadïća, isťamo publićist.

Arseťano teť, Ľofaj leľaj (koj-kineń pokšťaj), šumbrači, mujems sedejak lamo, pšti dï raksevtića valt.

Pŕavtredatkoroś Je. V. Četvergov

Buti Pegasoń panst veďmenzë sehte nardevstë kirdićaks javoľavtïnek Maćkazoń Ľofajeń, Muzań kuťmerićaks — vese kepeďsïź kedest! — Drigań Tolajeń (Samara jonks). Son Muza marto sejeďstë sovsi «Śatko» žurnals, kecnevti te avanť marto ojaksčisënzë «Śatkoń» teićatneń dï žurnaloń lovnïćatneń. — Nu, a «Em»-ń lovnïćatne sodasïź Tolaj jalganok, ožanzo ilešťaź, mokšananzo śuvordaź, erźań kelenť kis aštićaks. Sonzë staťanzo — jondoloń nalt, toldo tolt, pultaź pultïť peŕkanok isťa sejeďstë sravtneveź avidečitneń, muśki-lopavtni sëksëv tevtneń!

Modas śukońatano teť jondolot kis. Samarań erźat, kirdide kaštanči — ule isťamo śormadejenk!

Nujań Viďaz, Malaviks Raśkeń Literaturań Kazneń Laureatoś

Miń, «Erźań Mastoroń» purnïćatne-teićatne, sonzë lovnïćanzo śukońatano paro tevest kis Gračöva Jekaterina Nikolajevnaneń dï sonzë jalganstëń. Sïń pokštojak pokš lezë kandïť Erźań raśkenteń gazetanť sravtnemasonzo. Penza jonksso «Em»-ť sermadstïćanzo vesemede lamo. Od Ije marto, Penza jonksoń avat paro tevť tenk dï paro meľť.

Iľado sërede, iľado sïrede! Ulede sval-sval šumbrat!

Ińazoroś Pirguž

Novogodnij podarok ot Golovï

Ot vsej duši želaju narodu Erźa polnogo isčeznovenija s lica zemli! Uspehi nalico: na segodńa udaloś sokratiť čislennosť erzi i mokši, o čöm govoŕat rezuľtatï perepisi 2002 goda, na 47%. Ja — molodec! Uveren, k sledujuščej perepisi ostanutśa «rožki da nožki», to jesť ne boleje 10 proćentov. Eto pri uslovii, čto budu ruliť Respublikoj i daleje.

Podarok ot Glavï Respubliki

Hoźajstvennoje pravlenije Administraćii Glavï Respubliki Mordovija predavilo Mro Fondu spasenija erźanskogo jazïka v kačestve novogodnego podarka pretenziju: k 10 janvaŕa 2012 goda oplatiť 41 219 rublej za kommunaľnïje uslugi i peni v summe 72 548 rublej, hoťa znajut, čto takih sredstv u Fonda net.

V eto že vremä obščestvennïje organizaćii — Sojuz žurnalistov. Pisatelej, teatralov, hudožnikov, ženščin, a takže Sovetï veteranov — Praviteľstvo Rm finansirujet im ne toľko kommunaľnïje uslugi, no i štat rabotnikov i denežnïje premii k Novomu godu.

“Em”-ń neženzë

Sejeďstë mukšnïť tenzë ki, sovsiť «Erźań Mastors», erźatneń dï lijatneń sedejs

Anošoń Tumaj (Lukojan oš)

Boľajeń Sïreś (Kijev).

Ždankina Galina (N-Novgorod jonks),

Krasiľnikova Nadežda (Komiń Mastor)

Kalaganoń Keŕaz (Saran oš)

Kazakoń Peťa aťa (Saran oš)

Prokajeń Kosťa leľanok (Penza jonks),

Sazonoń Ľova (Saran oš),

Šaronoń Sandra (Saran oš),

Eŕuš Vežaj (Murman jonks),

Čeľabań Inzejne (Ľuda Kruglova),

Eŕgela, sedejeń vitića čiť tenk Od ijestë, Od ijeń perť, sval-sval.

«Em»- teićaś Kuzovatoń Oľa