Mizolks

Stadań novolema langa, źardo Mińkań anśak ozavtïź užinamo, ušosto maŕazevsť ačaŕkodeviks buvnomat: buv-vuv-vuv-vuv, buv-vuv-vuv-vuv… Teke televizorsto nejevť staka bombovoz livti, počanija, vojna eź kepedi? — teni ćorkaś dï varmaks livti vaľmanteń.

Vansï, skalost meľga peďaś veleń bukast: niksesï Zoŕkań pulalksonzo, veľaśkavtsïnze sudovaŕanzo dï buvnozevi aparo vajgeľsë. Mińka pelezevś, nať, skalost kisë — čej, bukaś a lazsï? Pižni avanstëń:

— Avaj, onoka, onoka! Te mezť isťa Miťov bïkaś tejni?

Avazo varštaś vaľmava, meri:

— Iľa meľavto, ćorïnem. Kortïť, Miťov vańksčiń večkića bukineś-vannï, nardïze-araś Zoŕkanok pulalksonzo venelev jakamodo mejle.

Mińka jala vansï. Te škane teťazo panžize kardaz kenkšenť. Zoŕkań noldïze potmov, a bukanteń nevtize mokšnanzo, mezť-kańa tenzë merś. Tonaś kežejstë avoldaś pŕasonzo, ameľsë purdaś kenkšenť ejstë dï apak kapša lïkazevś Mińkaneń kudost ikeľga jutïća lija skaltnëń pelev.

Užinamodo mejle ušov lisemstë Mińka kevkstni:

— Avaj, ton a sodat, veneľsënek tualetëń końov kadovś?