Tija jakaś Erźań keleń čiś! Vana mezde kortaś te Čistënť Ińazoroś Pirguž

Vana mezde kortaś te Čistënť Ińazoroś Pirguž

Šumbratado, Ukrainaso erića večkeviks erźat, jalgat! Paro meľsë arśan teči pazoń čansť, parste teškstams Erźań keleń činť.

Pokš či marto, erźat! Ulezë tečiń čiś Inečiks, kecnemaks, eŕamonk perť ledstnemaks. Kadïk eŕva erźaś, koso iľazo eŕa, koda minek iľast lemďa, eś pŕanzo maŕazo erźaks, koda eś pŕast maŕasť pokšťanok-sïŕkajenek. Erźaks lemenť maksïze tenek Ineški pazoś. Kirdede sonzë kuvalma kaštanči, eskeľado eŕamoń kivank pŕań kepedeź.

Isťa ulezë Pingede pinges! Erźa raśkenteń eŕamo! Paz, čangodť!

Keman, teči ledsťasïnk Ine erźatneń lemest, kiń kuvalma kepedťano erźań koronť, dï vejke minutaso čaťmoneź jovtado eś pačkank śukpŕa sïnenst: Ťušťaneń, Purgaznëń, Alabuganeń, Akaj Boľajneń, Bajuš Razgiľďajevneń, Kuźma Aleksejevneń, Erźamasoń Oľonaneń, Stepan Eŕźaneń, Jakov Kuldïrkajevneń, Artur Moroneń, Serafima Ľuľakinaneń, Dmitrij Naďkinnëń, Romaškin Oloneń dï lija erźatneneń.

Keman, Ukrainaso erića erźatne, a pratado viźksčamas. Kadodo te Mastoronteń nejaviks paro čeľks, ulide meleń vanïćaks ukrainań raśkenteń.

Eŕva erźaś eŕazo eś raśkenzë prevsë, važodezë erźań tevsë, kortazo erźaks.

Eŕast Purgasoń raśkeń koct alo — kadovost lemenzë alo ušmoks.

Erźatneneń eŕamo, eŕamo, eŕamo!

Śukpŕa veseneń, večkeviks jalgat!

Kšumanćań Pirguž Ińazoronk

Saran oš, 21.04.2011