2010 ijeń A.P.Ŕabov lemsë Kazneń Laureatoś Kazakov Pötr Jefimovič

čačś 1923 ijeń meďkovoń 14 čistë Mordovija Respublikań Pokš-Bereznik bujeń Simkina velesë. Erźa.1941 ijestë uľneś Stalingradonť kis ťuremasonť, tede mejle uľneś Karelëń frontso. Modamastoroń Omboće vojnadonť mejle važodś Mordovijań komsomoloń Obkomso, elektrolampań zavodoń «Svetotehnika» śulmavksoń partkomso. Kuvať tevť veťaś referentëks Mordovija Respublikań «Znanije» vejsënďavkssonť. Pŕadïze Mordovijań N.P.Ogarev lemsë universitetëń istorijań fakuľtetënť. Pensijas lisemado mejle 12 ijeť važodś naukań dï tehnikań informaćijań Ćentraso.

2010 ijestë Petr Jefimovičeń Saranso lisś knigazo «Eŕamoń kiulot. Žiznennïje pereulki». Ejsënzë kolmo tejevksstë dramaś «Saranoń erźa» (ruzoks jutavtovś). Lisi omboće knigazo «Jutaź pingestë varštavks». Peťa leľanok-pokšťanok «Erźań Mastoroń» sejeďstëń inže. Sonzë tešksënzë, arsemanzo, ledstnemanzo avoľ čurosto lisnesť dï lisniť «Erźań Mastor» kuľalopasonť.

Kazne marto, Peťa pokšťaj! Arseťano Teť šumbrači dï tekeks, tekeks kirdems sede tovgak!