Erźań keleń idema Fondoń veťamkuroń promksoń 36 № Protokolozo

      *

Sakšnosť: Kalaganoń Keŕaz, Šaronoń Sandra, Kšumanćań Pirguž, Kuzovatoń Oľa, Anošoń Tumaj, Nujań Viďaz

Saran Oš, 2010.11.02

      *

Kortamotne:

1. Purgaznëń kevrungoń putomado.

2. «Erźań Mastor» gazetas sermadstomado.

Kortasť, jovtïź melest:

1. Kšumanćań Pirguž. Ošoń kirdijtne moliť putomanť karšo. Seks, kojsëń, putoms sonzë tarkanteń, koso jutavtnevi Raśkeń Ozksoś. A eŕavi stuvtoms teńgak: bankoń proćentnë marto purnavsť tenek kavto ijeń perť sisemśadot veďkemeń ťoža ćelkovojť (750 000 rub.). Te veľť alamo. Koda ulems? Erdt arsesïnek.

2. Kalaganoń Keŕaz. Meleś, vijevgavtoms Raśkeń Ozksonť pitnečinzë kevrungoso, a beŕań. Jalateke sťavtoms… pakśas — kovgak a maštovi. Pitnezë ledstnemrungonť viškalgadï. Tarkazo Purgazoń — Saran oš.

3. Šaronoń Sandra. Čaŕkodevi, kirdijtnevteme Purgaznëń kevrungoś a tejevi. Jarmakt purnaź alamo. Kirdijtne — karšo. Pškalinek N. I. Merkuškinnëń, A. M. Pïkovneń. Lezë araś. Moń kojsë, eŕavi sermadoms serma-eńaldoma D. A. Medvedevneń, prezidentënteń, dï V. V. Putinnnëń, premerënteń. Sïnst karšo valost mejle purnavoma ods dï arsema, samo kodamojak lija meľs.

Meľspramo.

1. Kučoms serma-eńaldoma — lezdams putoms kevrungo Purgaznëń Saran ošso — Prezidentënteń D. A. Medvedevneń dï premerënteń V. V. Putinnëń. Jovtaź meľdest mejle purnavoma ods dï arsema koda ulems sede tov.

Meľspramonť kis maksïź vajgelest (kepediź kedest) veťamkuroń koto lomantne.

2. Vijevgavtoms sermadostomanť «Erźań Mastor» gazetanť langs.

Melenť kis kepediź kedest vese (koto lomanť).

Promksoń vetićaś Kšumanćań Pirguž

Sermalićaś Kuzovatoń Oľa