Erźań keleń Či Saran ošso

2009 ijeń čadïkovoń 16-će čistë 14 časso Saranso 17-de teškstazeľ Erźań keleń Čiś. Koda sval panžinek štatoloń kirvaztemań kojsënť. «Torama» ansambľaś lisś seske kirvaztemado mejle «Ťušťado» moronť moraź.

Vasenće peľkssënť javoľavtozeľť Ŕabov lemsë kaznenť Laureatonzo:

1. Malov Aleksandr Andrejevič, nejeń moskovoń «Erźań vajgeľ» vejsënďavksonť vasenće ušodïćazo dï pŕavtozo (kulomado mejle). Sonzë Laureatoń diplomoś maksovi vanstoms Moskovoń «Erźań vajgeľ» vejsënďavksonteń. Kazneś (erźań panar) maksoź Jovlań Oloń lemsë «Etno-kudonteń».

2. Tkačenko Orest Borisovič, Ukrainań naukań akademijań člen-korrespondent, doktor filolog.nauk, «Piśma dalekogo druga» kniganť avtorozo. Tede mejle val kirdś Erźań keleń idema Fondonť pŕavtoś Kšumanćań Pirguž. Son jovtnize, kodat tevť tejś Fondoś 2008 ijenť perť. Kočkazeľ veťamkuro, ejzënzë sovasť 7 lomanť, konatneń kis maksïź vajgelest vese sakšnïćatne. Tago Fondonť pŕavtoks purnazeľ Kšumanćań Pirguž (Musalev G.D.). Ikele ijetneń ladso putozeľť hrizantemań pusmot kalmo langs: Jovlań Oloń, Jefimovoń I.A., Naďkinnëń D.T., Jevseveveń M.Je.,

mejeľćeks putozeľť baľagat (ćećat) Eŕźań Stepanoń pamätnikenzë ikelev dï jutavtozelť a pokške kortnemat.

Kodat anśak piŕavkst ezť aravtne mordvatne! Savś kuvať vešnems zal. Eŕva kosto, eŕva jondo karšo valoś tekeľ: «zakrït na remont». Anśak 8-ćede «okojniki» mujevś tenek tarka.