Sedej rizks javdano Aleksandr Andrejevič Malovoń kulomadonzo

2008 ijeń meďkovojeń 17 čistë lotkaś čavomo sedejezë Malov Aleksandr Andrejevičeń, minek paro jalganť, erźań kelenť-raśkenť kis nardevstë aštićanť, Moskovso erźań teveń-molemań tevenť ušodïćanť. Aleksandr Andrejevič uľneś videčiń večkića, maksovt valoń topavtïća, valdo-čevte obućań lomań. Erźań vejsëń eskeľamstonť praś kemeviks neže. Seks lajšijak Mastoravaś. Kalmaź 2008 ijeń meďkovoń 19 čistë Čačoma jonkssonzo — Krasnojar jonks, Kansk oš. A.A.Malovoń erźań kelenť-melenť kis meľavksonzo, ine tevenzë źardojak a stuvtoviť.

Anošoń Tumaj, Gajnińkań Pičaj, Drigań Tolaj, Kšumanćań Pirguž, Kalaganoń Keŕaz, Kojanoń Viŕaz, Kuzovatoń Odaj, Kuzovatoń Oľa, Nujań Viďaz, Šaronoń Sandra dï lijatne

Va-aj!…..

Moń peľdejak jovtado sedej rizks malaviksënzë turtov. Malov Aleksandr Andrejevičeń škadonzo ikeleń kulomazo — pokštojak pokš jomavks erźań raśkenť turtov. Ineškipazoź sajessë te paro, alkuksoń erźań lomanenť valdo ojmenzë dï maksozo tenzë Tonačisënť seťmeči dï ojmamo. Miń a stuvtsïnek valdo lemenzë dï tešksëv putovksonzo erźań raśkenť vanstoma-idema tevs.

Eŕuš Vežaj, Sevastopoľ oš