Aštemkovoń 29 čistë topodiť 55 Gančin Anatolij Dmitrijevičneń

Anatolij Dmitrijevič Gančin čačś 1953-će ijeń aštemkovoń 29 čistë Čaunzań bujeń Kuľńavelesë. Školań pŕadomado mejle lamo jutaś mastorganť. Elektrofićirovaś čugunkań kiť Tatarstanso, Raužo ineveď čiresë, Baltijaso, Samaraso. Armijado mejle čuvś-valakavtś valnoma lejť-lušmot (kanalt) Saratovań kelej pakśatnesë.

Mordovijav murdamodo mejle moľś tonavtneme M.Je.Jevsevev lemsë Mgpi-ń filologijań fakuľtets, konań pŕadïze 1981 ijestë. Seske kučozeľ važodeme Romodan bujeń školań pŕavtoks.

1984-će ijestë 1987-će ijes tonatvneś Mniijaliëń aspiranturaso, anokstaś očerkeń koŕas dissertaćija. Tede mejle malav sisem ijeť važodś «Śatko» žurnalsonť. 1996-će ijestë sajeź kolmo ijeń perť uľneś Moskovonť peľde vankšnïćaks-vešnićaks erźatneń-mokšotneń stakačist šoždalgavtoma jonkstnëń Rf-ń Obrazovanijań ministerstvań institutso. Źarsïjas pŕanzo altnïze ramsema-mikšnema teventeń, kona moľś a beŕaństë, jalateke źardojak ezize stuvtne-kadno śormadomanť, mezenť ustavakšnïze kemgolmovo ijesë. «Śatko», «Čilisema» žurnaltnë dï «Erźań pravda» gazetaś pečatasť-noldasť lamodojak lamo jovtnemanzo, basńanzo, očerkenzë. 1995 ijestë lisś «Kuš kemede, kuš iľado…» knigazo.

2007-će ijestë A.D. Gančin tago večkeviks tevsënzë — «Śatko» žurnaloń pŕavt redatkoroś A.V.Arapov saize važodeme prozań peľkss.

Meľvanoviks Aťakšińkań Toľa, arseťano teť čačoma čistëť dï sval šumbrači, sede tovgak eŕams ojaksčisë Pegas marto, livtnevlinzeť sval meneľga-kuva. Čačoma či marto, Erźań Mastoroń śormadej!

Daleje v nomere gazetï iďot rasskaz (jovtnema) Anatolija Dmitrijeviča Gančina «Pingeń panžoma», zdeś ne publikujetśa t. k. net informaćii po povodu jego dostupnosti po svobodnoj lićenzii. Rasskaz možno pročitať, perejďa po ssïlke v šapke staťi na sajt gazetï. — Primečanije redaktora erźanskoj Viki-biblioteki.