Drigań Tolaj — Osipov A.G. — 2007 ijeń A.P.Ŕabovoń lemsë kazneń laureat

Čač Drigań Tolaj (Osipov Anatolij Grigoŕevič) 1948 ijeń čadïkovoń 8 čistë Kirgizstanso.

1963 ije. Pŕadïze Samara jonksoń Pohvisteń bujeń 8-klassoń erźań Oležveleń školanť, a 1966 ijestë — teke jonksoń Podbeleń pedagogikań učiliščanť. Tede mejle važodś tonavtïćaks veťkeń dï esenzë veleń školaso. Sede tov uľneś geologoks Pamir pandtnëń jutkso, Magadanso, Ohotoń bujeń Hakandžaso, vešnesť sïrne. 15 ijeń perť lamo tarkava topavtś artïćań–hudožnikeń tevť. Sval, koso iľazo eŕa, lovnoś «Erźań pravda gazetanť dï «Śatko» žurnalonť. Škań jutaź śulmavś «Erźań Mastor» gazetanť dï «Čilisema» žurnalonť marto. 10 ijeť uš śormadï jovtnemat, staťat, stihť erźań keľsë. Sportsmen. «Em»-ń lovnïćanzo parste sodasïź Drigań Tolajeń sedejs pačkodića, vijevdejak vijev publićistikań staťanzo. Ejsëst śupavdojak śupav dï pšti erźań dï ruzoń keľ, pokš smusť, prevej arsemat, videčiń kirdij jonks. Avtorost parste sodasïnze Erźań Mastoroń pek paro dï avoľ paro tevtneń. Źarïjaksť sakšnoś Saranov dï Lukojanovav eŕva kodamo ilań jutavtomo.

Arseťano teť, meľvanoviks Tolaj, šumbrači dï izńavkst erźań keleń idemań Ine-valdo tevsënť.