Čačoma či marto, Taťana Mihajlovna!

T. M. Kovaleva čačś 1936 ijeń acamkovoń 13 čistë Mordovijań Oťažbujeń Tarasbuje velesë. 1960 ijestë pŕadïze Mordovijań universitetënť. 1960-1992 ijetnestë — «Erźań pravda» gazetań litsotruldnik, śormań, propagandań dï agitaćijań kuroń pŕavt, redaktoroń polavtïća. 1993 ijestë sajeź «Śatko» žurnaloń redaktoroń polavtïća. 37 ijeť žurnalistëks ulemstë sermadś lamo-lamo domka materialt Respublikań gazetatnes, žurnaltnes, knigań pusmotnes. Sermadś staťat: G. G. Vdovin kompozitordonť, Stepan Eŕźa skuľptordonť, M. M. Popovič ľotčicadonť, A. M. Lobanov stroiteľdenť dï lijatnede. Mordovijań kuľturań dï hoźajstvań tevtnede publikaćijanzo kis 1972 dï 1981 ijetnestë maksnevś tenzë žurnalistëń śulmavksonť peľde Kazne. Sede mejle kazezeľ Vdnh-ń bronzań medaľsë.

T. M. Kovaleva Massr-ń kuľturań Zaslužennoj važodića (1986), Rossijań žurnalistëń jutkso Śulmavksoń lomań.

Taťana Mihajlovna, śukpŕa tenzë, javi meľ erźań keleń idema teventeń, sval lezdï sede parste, sede mazïjstë jutavtoms erźań keleń Činť, te eli tona promksonť dï lija tevtneń, nejgak pečataviť staťanzo, tešksënzë «Erźań Mastor» dï lija gazetatnesë, žurnaltnesë.

Taťana Mihajlovna! Čačoma čiť marto dï sval-sval arseťano teť šumbrači dï isťa žo kanstoń apak maŕa, sizemań apak soda lezdams erźań keleń idema teventeń. Kelej ki teť, erźań ava, ijera molema čamas puvića varmanť karšo!

«Em»-ń lovnïćatne dï teićatne, erźań keleń idema Fondoś