Samara jonksoń Oľožveleń dï lija jonksoń erźatneneń Drigań Tolajeń pškademazo

Spiridonova Anna dï Miša!

Miń Oľožveleń erźań lomanť. Nej tïń karmide «Erźań Mastor» kuľalopanť (gazetanť) lovnomo. Anna, mon uľniń školaso toń tonavtïćaks. Tago putan «vete» Mišaneńgak paro teveń kis.

Eŕavi, jalgaj, te erźań kuľalopadonť noldams kuľa vese Surgut ošonť keles. Sodavi, lamo erźat eriť te ošsonť. Eŕva koso esenk jutkso maŕamga kortado minek mazïj čačoma keľsënť. Tïnk peŕka seske mujeviť lija erźat. Nevtink tenst te minek kuľalopanť, tejevide sodaviksëks dï sïńgak eś pŕast ods karmiť lovomo erźaks, čači erźań od ojme. Čači meľ sede lamo sodams erźatneń ejstë, čači bažamo lovnoms esenek keľsë.

Erźań eli ruzoń keľsë śormadodo śormat:

430000, Mordovija, g. Saransk, ul.Kommunističeskaja, dom 33/3, komn.113, Četvergovu Jevgeniju Vladimiroviču.

Redakćijaso uliť erźań moro marto kassetat, diskt, logotip «Erźań Mastor» marto časst, knigat, tonavtnema knigat (učebniki) dï lijat mezť. Savi pačkodems Saran ošov — sovado. Tïnk paro meľsë sval uči Erźań Ińazoroś Pirguž — Musaľov Grigorij Dmitrijevič. Son isťa žo erźań keleń idema Fondoń pŕavt (predsedateľ Fonda spasenija erźanskogo jazïka). «Erźań Mastor» noldavi jarmakoń kajavks langs. Esenk meľsë lezdatado te pokš dï eŕaviks teventeń tïńgak. Lezdamoń teveś sťako a jomi dï tïń pačk karmatado eś pŕank lovomo alkuksoń Erźaks!

Miša dï Anna! Muink Surgut ošso minek Oľožveleń erićatneń dï javodo tenst lovnoms «Erźań Mastor». Purnavodo vejs dï lovnodo vejsë. Sedejak paro uli. Meze a čaŕkodevi — śormadodo moneń:

446350, ul.Kresťanskaja, dom 150, selo Kineľ-Čerkassï, Samarskaja oblasť, Drigań Tolajneń

Vese kevkstemank langs seske kučan śorma. Savi pongoms Kineľ-Čerkassï velev, sovado inžeks. Maŕuš marto pačk učotano erźat. Činek-venek minek ortaś panžado vese erźatneneń, kona baži uleme erźaks, avoľ «mordvaks»… Svalškań tenk šumbrači!

2006 ijeń taštamkovoń (senťabŕań) 20 či