Sedej rizks javdano Petr Pavlovič Sedojkinëń malaviksënzë turtov

Kuloś Sedojkin Petr Pavlovič — Čuvažoń respublikaso Erźań kuľturań Ćentrań pŕavtoś, Rf dï Čassr zaslužennoj stroiteleś, Massr-ń kuľturań zaslužennoj robotnikeś. P. P. Sedojkin čačś 1936 ijeń umaŕkovoń 9-će čistë Čuvažoń Respublikań Porecëń bujeń Alo velesë (Napoľnoje) erźań kudoraśksë. Pŕadïze tonavtnemanzo Goŕkojeń strojamoń tehnikumso, Čuvažoń gosuniversitetsë, Moskovoń tombaľks ekonomikań universitetsë (zaočna). Važodś stroiteleks Sibiŕsë, Kazahstanso, modań sornovtnemado mejle Armenijaso dï Černobïleń avarijanť lotkavtomaso. 1967 ijestë sajeź — «Poreckstroj» upravlenijań načaľnik. Koso iľazo važode, vij, meľ putś erźań keleń idema teventeń. Ulezë teť, Peťa leľanok-jalaksonok, modaś čevte tarkaks. Toń valdo teveť a stuvtoviť.

Noldaś knigat: «Vozroždenije» (v soavt.), 1992; 1993; «Slovo o stroiteľah». 1993; «Povestvovanije o mordovskom narode» (v soavt.), 1995.

Jovtatano sedej rizks Petr Pavlovičeń malaviksënzë turtov, arseťano tenst sede šoždïnestë jutavtoms jomavtomań staka čitneń.