Marija Romanovna Biuškina — 2005 ijeń A.P.Ŕabov lemsë kazneń laureat

Erźań keleń idema Fondoń pŕavtkuroś saś meľs: erźań kelenť dï kuľturanť aštemanzo kis A.P.Ŕabovoń lemsë kaznenť dï laureatoń lemenť maksoms Biuškina Marija Romanovnaneń.

Biuškina M.R. čačś 1925 ijeń acamkovoń 14-će čistë nejeń Mordovija Respublikań Dubińkań bujeń Morga velesë. 1955 ijestë pŕadïze Saranoń A.I. Poležajev lemsë pedagogikań institutonť. 1957-62 ijetnestë važodś tonavtïćań tonavtoma Institutso metodistëks. 1962-70 ijetnestë — Saranoń televidenijań ejkakšoń redakćijaso redaktor. 1971-84 ijetnestë važodi Baškortostanso, Sterlitamakoń, dï Ukrainaso pedagogikań institutso. Vešnemań-mujemań (issledovanijań) temazo: «Bilingvizmatne erźań dï ruzoń keľtnesë». Filologijań kandidatoś M.R.Biuškina sermadś źarïja tonavtnemań, jovtnemań dï ejkakšoń turtov pesań knigat, putś dï putï lamo vijť erźań keleń idema teventeń.

Meľvanoviks Marija Romanovna! Kaznenť maksoma marto arseťano toneť šumbrači d ï isťa žo vese vijsëť kandoms erźań kanstonť.