Pškadema

Ledstnemaś altavi vejke ijeń avań kulomanteń G. D. Musalev

Źardo avam kuloś Tašto Kšumanćas, Mejeľće ki langov Sonzë mon iľtija. Pingenzë pečtize Son tiriń velesë. Putïń tenzë tešks mon: «Sval minek sedejsat! Pirguž ińazor-ćorat». Langam jutaś kažo, Škaś moń turtov noškstaś, Prevť teń karmasť samo. Kulomam nejavomo karmaś. Mejeľće škatnestë Avam pek meľavtneś, Ojmamo eź soda, Iľazan ikeľďa Sonzë kulomason. Pokšťanstëń- babanstëń Kisëń sval oznokšnoś, Kadïk Pazoń kojsë Eŕamonok jutï. Ozïľ vaľma alov Dï jutïćatnestë Ejsëń čiń-čop vešniľ. Tošnačisë eŕaś Čavo kudosonzo, Prok kuko kukoleś, Terdś ejsëń estenzë. Mon sakšnïliń tenzë Anśak targoń jutaź. Sïćatneń vastomsto Keńarks sailize, Seks pežeteń keriť Pejeľsë sedejem, Kumaža langs pravtïť Kisënzë oznomo. Źardo škam sï, kulan, Kalmamiź sëťmestë Anśak sonzë vaksos, Čevtine modïnes, Rangstado lajšema Erźań obućaso Dï avań lemenzë Kundïnk moń kalmamston. Kadïk tonačisë Tirinem-avinem Śkamonzo a eri. Pingeń pes pačkodeź, Sïń, ojat, arsemas: Eŕaź-ašteź vannan Ikelev-udalov, Pškaďan erijtneneń: Seh pitnej lomaneś — Avanok-tiŕanok. Večkede ejsënzë, Pingenk perť vanstodo.