Šumbrat, Finno-Ugrija!

Isťa lemďazeľ Samara ošoń raśkeń ojaksčiń Kudosonť jutavtoź festivaleś. Ejzënzë sakšnosť moramo-kišteme Isaklań, Šentalań, Čelno-Veršinań, Pohvisteń, Krasnojaroń, Neftegorsk bujetnestë. Mejeľće kavto bujetnestë sakšnosť vasenćede.

Mordovijasto pačkolesť morïćat “Kelu” ansambľastonť — Makševa Galina dï Voronina Jelena. Uľneś delegaćijanť jutkso V. Gagarin, Viŕ Tavla velestë čuvtoń kersićaś. Son nevtneś Petr Ŕabovoń skuľpturanzo.

Tejezeľ dï lamoń meľs tuś knigań nevtemaś. Jutksost altavkstnë Artur Moroneń, Mihail Borovneń, Serafima Ľuľakinaneń dï lijatneneń.

Štatoloń kirvazstemado mejle lembe valt jovtaś Samara jonksoń “Mastorava” vejsënďavksonť pŕavtozo Ľubov Kolesnikova. Inžetneneń šumbračiń arsemat jovtasť poëtëś Čislav Žuravľov, “Mastoravań” ikeleń pŕavtoś V. M. Suľdin, ojaksčiń Kudoń direktoroś N. A. Nikulina.

Parste morasť-kišsť Šentalań bujeń “Čilisema”, Krasnojarsk bujeń “Ojmine” dï Neftegorsk bujeń “Erźanočka” ansambľatne. Parste vastozeľť Čelno-Veršinań dï Pohvisteń bujeń kištićatne-morïćatne. Samara ošoń erźań avatne žojnevtiź “Oj, Samara, viška oš” moronť. Mejeľćeks lomantne sťasť ozamo tarkastost dï morïź “Erźań gimnanť”.

Vejsë, erźat, mazïjtne, Vejsë, erźat, vijevťano.