Čačoma či marto, poët!

Sodaviks erźań poëtënteń Čislav Žuravľovneń 2005 ijeń čadïkovoń 27 čistë topodsť 70.

Čislav Grigoŕevič čačś 1935 ijeń čadïkovoń 27 čistë Kujbïšev (Samara) jonksoń Podbeľksëń bujeń Pokš Tolkaj velesë. Viška Tolkajsë pŕadïze pedagogikań učiliščanť. Važodś fizkuľturań tonavtnïćaks. 1954-1957 ijetnestë armijasoľ. Kemgavtovodo lamo ijeť eŕaś Sibiŕsë. 1967 ijestë sajeź eri Samaraso. 1982 ijestë «Erźań pravda» gazetasonť dï «Śatko» žurnalsonť pečatazeľ stiheń pokš pusmozo. Vaseń knigazo «Śokseń ćećat» lisś 1991 ijestë Saranso. Mejle kecnevtinze lovnïćanzo knigasonzo: «Ovtoń latko» (1993), «Kargoń vajgeľ» (1995), «Valdo ojme» (1996), «Arsemat dï jožot» (2000), «Večkemań tešte» (2001), «Kememań valdo» (2002), «Arsemań pakśa» (2003), «Sedejeń vajgeľ» (2004).

Stihenzë poëtënť valdot dï manejť, prevejť dï arseme karmavtïćat, ejsëst eŕva kodamo ťusoń jožomaŕamot, kajkst, muzïka. 1992 ijestë sajeź važodś samarań radioso erźań programmań redaktoroks.

Večkeviks ojanok-jalganok Čislav, arseťano miń teť, odt-sïreť, avat-ćerat, vese-vese, šumbrači, izńavkst poëzijaso, isťa žo kemevikstë kirdems Pegasoń veďmetneń, teke ladso vijeń apak vansto, apak pele aštems erźań kelenť kis. Šumbrači teť dï kuvaka-kuvaka eŕamoń ki!