Javdano sedej rizks Ińazoronteń.

Čadïkovoń 1-će čistë, 9 časso kuloś Jekaterina Aleksejevna Musaľova, Ińazoronť Kšumanćań Pirgužoń — Musaľov Grigorij Dmitrijevičeń avazo. Tuś eŕamostonť alkuksoń, pŕasto piľgs erźań ava, lomań, kona gramotas apak tonavto domkasto čaŕkodilize erźań kelenť pitnečinzë, parste sodïlinze kojtneń-kirdatneń, kona ojmenzë lisems uľneś nežeks dï prevs putïćaks ćoranzo turtov, lezdaś tenzë, koda maštś, stakadojak staka tevsënzë. Kecneś ćoranzo eŕva tevezënzë — Veleń Ozkst, Raśkeń Ozkst, inžeń vastomat.

Musaľova Je. A. čačś 1911 ijeń acamkovoń 1-će čistë Pokš Ignatbujeń Od Čamza velesë. 1943 ijestë Haŕkov alo maštovś-jomaś mirdezë, kedezënzë kadovsť kolmo ejkakšt.

Jekaterina Aleksejevnań konďat avatne tejsť 1941-1945 ijetnestë isťamo žo podvig, kodamo ćoratne vojnasonť — vanstïź, meze langskak apak vano, vijeń, šumbračiń apak vansto, ejkakšost vačodo kulomadonť.

Miń, erźań keleń idema Fondoń lomantne, «Erźań Mastor» gazetań teićatne dï lovnïćatne, jovtatano Musaľov G. D. dï malaviksënzë turtov sedej rizks dï meľ nardevstë jutavtoms aparonť — ejstënzë sehte malaviksënzë tujemanť.